ധാക്ക : ബംഗ്ലാദേശിലെ സ്ഫോടനപരമ്പരയില് ഞെട്ടി ഇടക്കാലഭരണാധികാരി മുഹമ്മദ് യൂനസ്. ഇദ്ദേഹം നടത്തിവരുന്ന ഗ്രാമീണ്ബാങ്കിന് മുന്പിലും ബോംബ് പൊട്ടി. മുഹമ്മദ് യൂനസ് നടത്തിവരുന്ന ഗ്രാമീണ് ബാങ്കിന്റെ മിര്പൂരില് സ്ഥിതിചെയ്യുന്ന ആസ്ഥാനത്താണ് സ്ഫോടനം നടന്നത്.രണ്ട് പേര് ഒരു സ്കൂട്ടറില് എത്തി കെട്ടിടത്തിലേക്ക് നാടന്ബോംബ് എറിയുകയായിരുന്നു. ഇന്ത്യയില് തലസ്ഥാനനഗരിയായ ദല്ഹിയില് ചെങ്കോട്ടയ്ക്ക് സമീപം കാര് പൊട്ടിത്തെറിച്ചതിന് ശേഷമാണ് ബംഗ്ലാദേശില് സ്ഫോടനപരമ്പരകള് അരങ്ങേറിയത്.
അപ്രതീക്ഷിതമായിരുന്നു ഈ ആക്രമണങ്ങള്. പിന്നിലുളള അജ്ഞാതന് ആരാണെന്ന് അറിവായിട്ടില്ല. ഒരിയ്ക്കലും അക്രമിക്ക് ബോംബ് സ്ഫോടനം നടത്താന് സാധ്യമല്ല എന്ന് കരുതിയ ഇടങ്ങളിലായിരുന്നു സ്ഫോടനങ്ങള്.
ബംഗ്ലാദേശില് കലാപമുണ്ടാക്കിയ വിദ്യാര്ത്ഥികളുടെ നേതൃത്വത്തിലുള്ള നാഷണല് സിറ്റിസണ് പാര്ട്ടിയുടെ ഓഫീസിലും ബോംബ് പൊട്ടി. വടക്കന് ബംഗ്ലാദേശിലെ മ്യാമന്സിങ്ങില് ഒരു ബസ്സിന് തീവെച്ചു. അതിനുള്ളില് ഉറങ്ങിക്കിടക്കുന്ന ആളെ ജീവനോടെ കത്തിച്ചു. ധാക്കയിലെ നതുണ് ബസാറില് ഒരു കാറിന് തീവെച്ചു.
