ആലപ്പുഴ: ബുധനൂര് സര്വ്വീസ് സഹകരണ ബാങ്ക് ിലെ സ്വര്ണ പണയ തട്ടിപ്പു കേസില് മുന് സെക്രട്ടറി ഇന് ചാര്ജ് അനീഷ അറസ്റ്റില്. പണയത്തിലുള്ള സ്വര്ണ്ണം മറ്റൊരുബാങ്കില് പണയം വച്ച് കൂടുതല് തുക വാങ്ങിയ സംഭവത്തിലാണ് അറസ്റ്റ്. രാഹുല് എന്നയാളുടെ പരാതിയില് നടത്തിയ അന്വേഷണത്തിലാണ് അനീഷയുടെ തിരിമറി വെളിപ്പെട്ടത്. രാഹുല് 2022 ല് ഈ സഹകരണ ബാങ്കില് പണയം വച്ച അഞ്ചേകാല് പവന് സ്വര്ണാഭരണങ്ങള് തിരിച്ചെടുക്കാന് ചെന്നപ്പോള് സ്വര്ണം ബാങ്കില് ഇല്ലെന്നു കണ്ടെത്തുകയായിരുന്നു. രാഹുല് നല്കിയ പരാതിയുടെ അടിസ്ഥാനത്തില് പൊലീസ് നടത്തിയ അന്വേഷണത്തിലാണ് തിരിമറി വ്യക്തമായത്. ഉടമ അറിയാതെ ഈ സ്വര്ണ്ണാഭരണം മറ്റൊരു ബാങ്കില് പണയം വെച്ച് സ്വന്തം ആവശ്യത്തിനായി അനീഷ കൂടുതല് പണം വാങ്ങുകയായിരുന്നുവെന്ന് പൊലീസ് കണ്ടെത്തി.
2023ല് നടത്തിയ ഓഡിറ്റില് വന് ക്രമക്കേട് കണ്ടെത്തിയതിനെ തുടര്ന്ന് അനീഷയെ ജോലിയില് നിന്ന് പിരിച്ചുവിട്ടിരുന്നു.
സംഭവത്തില് കൂടുതല് പേര്ക്ക് പങ്കുണ്ടെന്നും മുഴുവന് പ്രതികളെയും അറസ്റ്റു ചെയ്യണമെന്നും ആവശ്യപ്പെട്ട് ബിജെപി ധര്ണ്ണ നടത്തി.
പണയ സ്വര്ണ്ണ തട്ടിപ്പ്: സിപിഎം ഭരിക്കുന്ന സഹകരണ ബാങ്കിലെ മുന് ജീവനക്കാരി അറസ്റ്റില്, കൂടുതല് പേര്ക്ക് പങ്ക്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.