ന്യൂദല്ഹി: സ്ഫോടനം ഭീകരാക്രമണമാണോ എന്ന് സ്ഥിരീകരിച്ചിട്ടില്ലെങ്കിലും രാജ്യതലസ്ഥാനത്ത് ഒരു കാര് സ്ഫോടനം നടത്തിയതിന് പിന്നില് ചില രാഷ്ട്രീയ ഉദ്ദേശ്യങ്ങളുണ്ടോ എന്ന ചോദ്യവും ഉയരുകയാണ്.
ബീഹാര് രണ്ടാമത്തേതും അവസാനത്തേതുമായ വോട്ടെടുപ്പിലേക്ക് നവമ്പര് 11ന് നീങ്ങുമ്പോഴാണ് രാജ്യതലസ്ഥാനത്ത് രാജ്യത്തെ നടുക്കിയ സ്ഫോടനം ഉണ്ടായത്. സ്ഫോടനം നടന്ന ഉടനെ കോണ്ഗ്രസ് വക്താവ് അഭിഷേക് മനു സിംഘ് വി നടത്തിയ പ്രസ്താവന ചില കാര്യങ്ങള് വെളിപ്പെടുത്തുന്നു. “ഇതാണോ കേന്ദ്ര ആഭ്യന്തരമന്ത്രി മേനി നടിക്കുന്ന സുരക്ഷിതമായ രാജ്യതലസ്ഥാനം?”- എന്ന ചോദ്യമാണ് അഭിഷേക് മനു സിംഘ് വി ചോദിച്ചത്. ഈ ചോദ്യം ഉയര്ത്തിയത് മനപ്പൂര്വ്വമാണെന്ന് കരുതുന്നു. കാരണം ബീഹാറില് ചൊവ്വാഴ്ച പോളിംഗ് ബൂത്തിലേക്ക് പോകുന്ന വോട്ടര്മാരെ എന്ഡിഎയ്ക്കെതിരെ ചിന്തിപ്പിക്കുകയാണോ ഈ സ്ഫോടനത്തിന്റെ ലക്ഷ്യമെന്നുപോലും സംശയിക്കപ്പെടുന്നുണ്ട്.
കഴിഞ്ഞ ദിവസം ഒന്നാം തെരഞ്ഞെടുപ്പ് നടക്കുന്ന സമയത്ത് തന്നെ തെരഞ്ഞെടുപ്പിനെ സ്വാധീനിക്കാനാണ് രാഹുല് ഗാന്ധി ഹരിയാന നിയമസഭാ തെരഞ്ഞെടുപ്പില് വോട്ട് ചോരി നടന്നുവെന്ന് ആരോപിച്ചത്.
