ബോളിവുഡ് നടൻ സഞ്ജയ് ഖാന്റെ ഭാര്യ സരീൻ ഖാനെ ഹിന്ദു ആചാരപ്രകാരം ദഹിപ്പിച്ചത് എന്തുകൊണ്ട് ? മകൻ സായിദ് ഖാൻ പൂണൂൽ പോലും ധരിച്ചിരുന്നു ! 

മുംബൈ: ബോളിവുഡ് നടൻ സഞ്ജയ് ഖാന്റെ ഭാര്യ സരീൻ ഖാന്റെ മൃതദേഹം ഹിന്ദു ആചാരപ്രകാരം സംസ്കരിച്ചു. ശവസംസ്കാര വേളയിൽ മകൻ സായിദ് ഖാൻ കഴുത്തിൽ പൂണൂൽ ധരിച്ചിരുന്നു. ഈ ശവസംസ്കാര വീഡിയോ സോഷ്യൽ മീഡിയയിൽ വൈറലാകുകയാണ്.

സരീൻ ഖാന്റെ ശവസംസ്കാരം ഹിന്ദു ആചാരങ്ങൾക്ക് അനുസരിച്ചാണോ നടത്തുന്നതെന്ന് ഉപയോക്താക്കൾ സമാധ്യമങ്ങളിൽ ഒന്നടങ്കം ചോദിക്കുന്നു. സരീൻ ഖാന്റെ ശവസംസ്കാര ചടങ്ങിൽ മകൻ സായിദ് ഖാൻ അവസാനം വരെ ഹിന്ദു ആചാരങ്ങൾ പാലിക്കുന്നത് കാണാം. ഇതും സോഷ്യൽ മീഡിയയെ ഏറെ ഞെട്ടിച്ചു.

സരീന്റെ കൊച്ചുമക്കൾ മൃതദേഹം ചുമന്നുകൊണ്ടുപോകുമ്പോൾ മകൻ സായിദ് ഖാൻ ഒരു പണ്ഡിറ്റിന്റെ നേതൃത്വത്തിൽ അന്ത്യകർമങ്ങൾക്ക് നേതൃത്വം നൽകുന്നത് വീഡിയോയിൽ കാണാം. ഹിന്ദു രീതിയിലാണ് ശവസംസ്കാരം നടത്തിയത്. ഇതിനുള്ള ഉത്തരവും മകൻ സയീദ് ഖാൻ പിന്നീട് വിവരിച്ചു. സരീൻ ഖാൻ ഒരു ഹിന്ദുവായിട്ടാണ് ജനിച്ചതെന്നും ആദ്യം സരീൻ കത്രക് എന്നായിരുന്നു പേര്. പിന്നീട് പിതാവ് സഞ്ജയ് ഖാനുമായുള്ള വിവാഹത്തിനുശേഷവും അവർ ഇസ്ലാം മതം സ്വീകരിച്ചില്ല. അതുകൊണ്ടാണ് ഭർത്താവിന്റെ മുസ്ലീം വിശ്വാസത്തിന് പകരം ഹിന്ദു ആചാരങ്ങൾ പാലിച്ചുകൊണ്ട് അന്ത്യകർമങ്ങൾ നടത്തിയതെന്ന് മകൻ പറഞ്ഞു. അമ്മയുടെ അവസാന ആഗ്രഹം ഹൈന്ദവ രീതിയിൽ സംസ്കാരം നടത്തണമെന്നായിരുന്നുവെന്നും അദ്ദേഹം വ്യക്തമാക്കി.

സരീൻ ഖാന് 81 വയസ്സായിരുന്നു. ദീർഘനാളത്തെ അസുഖത്തെ തുടർന്ന് വെള്ളിയാഴ്ച മുംബൈയിലെ വീട്ടിൽ വെച്ചാണ് അവർ അന്ത്യശ്വാസം വലിച്ചത്.  കുറച്ചുനാളായി വാർദ്ധക്യസഹജമായ അസുഖങ്ങളുമായി പോരാടുകയായിരുന്നു അവർ.  ശവസംസ്കാര വേളയിൽ ബോളിവുഡിലെ നിരവധി പ്രശസ്ത വ്യക്തികൾ സരീൻ ഖാന് കണ്ണീരോടെ വിട നൽകി. ഹൃത്വിക് റോഷനും അവരുടെ സംസ്കാര ചടങ്ങിൽ പങ്കെടുത്തു. സരിൻ ഖാന്റെ മകൾ സൂസന്ന ഖാനാണ് ഹൃത്വിക് റോഷന്റെ ആദ്യ ഭാര്യ.

ബോളിവുഡ് താരങ്ങളായ ജയാ ബച്ചൻ, കാജോൾ, ബോബി ഡിയോൾ, അലി ഗോണി, റോണിത് റോയ്, പൂനം ധില്ലൻ, സോണാൽ ചൗഹാൻ എന്നിവരും സറീന്റെ സംസ്കാര ചടങ്ങിൽ പങ്കെടുത്തു.