അഹമ്മദാബാദ് : ത്രിശൂലിന്റെ ഭാഗമായി ഇന്ത്യന് കരസേന രാജസ്ഥാനിലെ ഥാര് മരുഭൂമിയില് നടത്തുന്ന മരുജ്വാല (Marujwala) എന്ന അഭ്യാസപ്രകടനം കണ്ട് അമ്പരന്ന് പാകിസ്ഥാനും ബംഗ്ലാദേശും. ഇന്ത്യയുടെ മേല് എളുപ്പം കുതിരകയറാമെന്ന ബംഗ്ലാദേശിന്റെ വ്യാമോഹം കൂടിയാണ് ഇന്ത്യന് കരസേനയുടെ കരുത്ത് കണ്ടതോടെ പൊലിഞ്ഞത്. ഇന്ത്യയുടെ സേനാപ്രകടനങ്ങള് സൂക്ഷ്മമായി നിരീക്ഷിക്കുന്ന പാകിസ്ഥാന് സേനയും അമ്പരന്നിരിക്കുകയാണ്.
കരസേനയുടെ സുദര്ശന് ചക്ര കോപ്സ് (Sudarshan Chakra Corps) ആണ് ഈ അഭ്യാസപ്രകടനം നടത്തിയത്. രാത്രിയും പകലുമായിട്ടായിരുന്നാു ഈ പ്രകടനം. ഥാര് മുരുഭൂമി മേഖലയില് രാത്രിയില് നടത്തിയ വെടിവെയ്പ്, ടാങ്ക് ഉപയോഗിച്ചുള്ള ആക്രമണം എന്നിവ അരങ്ങേറി. ഇന്ത്യയുടെ ഏറ്റവും പുതിയ.ലേസര് ഗണ്ണുകള്, ടാങ്കുകള്, യന്ത്രത്തോക്കുകള് എന്നിവ ഉപയോഗിച്ചു.
മരുജ്വാല എന്ന് പേരിട്ടിരിന്ന അഭ്യാസപ്രകടനത്തെ അന്വര്ത്ഥമാക്കുന്ന രീതിയില് ശരിക്കും ഥാര് മരുഭൂമിയെ അഗ്നിജ്വാലയാക്കുന്ന പ്രകടനങ്ങളാണ് നടന്നത്. പൊടുന്നനെയുള്ള ആക്രമണങ്ങള്, ശക്തമായ ബോംബ് സ്ഫോടനങ്ങള് എന്നിവയും പരീക്ഷണാര്ത്ഥം നടത്തി.
കരസേനയുടെ പ്രകടനം കഴിയുന്നതിന് തൊട്ടുപിന്നാലെ നാവിക, വ്യോമസേനകളുടെ അഭ്യാസപ്രകടനങ്ങളും ത്രിശൂല് എന്ന് പേരിട്ടിരിക്കുന്ന ത്രിസേനാ സൈനികാഭ്യാസത്തിന്റെ ഭാഗമായി നടക്കും. രാജസ്ഥാനിലെ ഥാര് മരുഭൂമി മുതല് ഗുജറാത്തിലെ സര് ക്രീക്ക് ഭാഗം വരെയാണ് കര, നാവിക, വ്യോമസേനകളുടെ ശക്തിപ്രകടനം നടക്കുക.
നാവിക സേനയുടെ പ്രകടനം സര് ക്രീക്കിലാണ് പ്രധാനമായും നടക്കുക. ഈ പ്രദേശങ്ങളിലെ വ്യോമപാത ഒഴിവാക്കാന് വിമാനക്കമ്പനികള്ക്കും പൈലറ്റുമാര്ക്കും നേരത്തെ നിര്ദേശം നല്കിയിട്ടുണ്ട്. ഒപ്പം വ്യോമസേനയുടെ പ്രകടനം ഥാര് മരുഭൂമിയില് നടക്കും. നവമ്പര് 13 വരെയാണ് ഈ അഭ്യാസപ്രകടനങ്ങള്.
ആരാണ് സുദര്ശന് ചക്ര കോപ്സ് ?
ചൊവ്വാഴ്ച മരുജ്വാലയുടെ ഭാഗമായി പ്രകടനം നടത്തിയ സുദര്ശന് ചക്ര കോപ്സ് ആരാണെന്ന് അറിയേണ്ടേ? എക്സ് എക്സ് ഐ (XXI) എന്നും അറിയപ്പെടുന്ന ആക്രമണത്തിനുള്ള ഭോപാല് കേന്ദ്രമായി പ്രവര്ത്തിക്കുന്ന യൂണിറ്റ് ആണ് സുദര്ശന് ചക്ര കോപ്സ്. കരസേനയുടെ സതേണ് കമാന്റിന്റെ ഭാഗമാണിത്. ശത്രുമേഖലയിലേക്ക് ആഴത്തില് തുളഞ്ഞുകയറുന്ന, അതിവേഗം ആക്രമണത്തിന് സജ്ജമാകുന്ന സേനയായാണ് സുദര്ശന് ചക്ര കോപ്സ് അറിയപ്പെടുന്നത്. ഒന്നാം ലോകമഹായുദ്ധകാലത്താണ് ഈ യൂണിറ്റ് രൂപീകരിക്കപ്പെടുന്നത്. 1990ല് വീണ്ടും പുനസംഘടിപ്പിക്കപ്പെട്ടു. അതിന് ശേഷം ഇടയ്ക്കിടെ സൈനികാഭ്യാസങ്ങളിലൂടെ എത്രമാത്രം ആക്രമണസജ്ജമാണ് എന്ന് വിലയിരുത്തലുകള് നടത്തുന്ന പതിവുണ്ട്. സുദര്ശന് ചക്ര കോപ്സിന്റെ കമാന്റ് ഇപ്പോള് ലഫ്. ജനറല് അരവിന്ദ് ചൗഹാന് ആണ്. ലഫ്. ജനറല് പ്രീത് പാല് സിങ്ങിന് പകരം ഇക്കഴിഞ്ഞ ആഗസ്തിലാണ് അരവിന്ദ് ചൗഹാന് കടിഞ്ഞാണ് ഏറ്റെടുത്തത്. ഭീകരവിരുദ്ധ ഓപ്പറേഷന് മുതല് ഹൈ ആള്ടിട്യൂഡിലെ (സമുദ്രനിരപ്പില് നിന്നും ഏറെ ഉയരത്തിലുള്ള പ്രദേശം) സൈനിക വിന്യാസത്തില് വരെ വിദഗ്ധനാണ് അരവിന്ദ് ചൗഹാന്. യുദ്ധരംഗത്ത് 34 വര്ഷത്തെ അനുഭവപരിചയമുണ്ട്.
