കൊച്ചി : സംസ്ഥാന ചലച്ചിത്ര അവാർഡിലെ പോരായ്മകളെ പരിഹസിച്ചും വിമർശിച്ചും പ്രശസ്ത രാഷ്ട്രീയ നിരീക്ഷകനും ചാനൽ ചർച്ചകളിൽ നിറസാന്നിധ്യവുമായ ശ്രീജിത് പണിക്കർ. ഗാനരചയിതാവ് അവാർഡ്, ബാലതാരത്തെ പ്രഖ്യാപിക്കാത്ത നടപടി എന്നിവയിലാണ് ശ്രീജിത് പരിഹാസേന വിമർശനം ചൊരിഞ്ഞത്. മികച്ച ഗാനരചനാ അവാർഡിന് അർഹമായ വരികൾ എന്ന് കുറിച്ചു കൊണ്ടായിരുന്നു ശ്രീജിത് പണിക്കർ പ്രകാശ് രാജിനെ പരിഹസിച്ച് തുടങ്ങിയത്
അദ്ദേഹത്തിന്റെ വാക്കുകൾ ഇങ്ങനെ :
“പിടിച്ചതെല്ലാം പുലിവാല് ഡാ
കാണ്ടാമൃഗത്തിന്റെ തോല് ഡാ”
അർത്ഥസമ്പുഷ്ടമായ സൂപ്പർ വരികൾ ഡാ!
പ്രകാശ് രാജേ, മികച്ച അവാർഡ് ഡാ!”- എന്നായിരുന്നു ശ്രീജിത് പണിക്കരുടെ വിമർശനം.
ഇതിനു പുറമെ മികച്ച ബാലതാരത്തെ പ്രഖ്യാപിക്കാത്ത നടപടിയെയും അദ്ദേഹം വിമർശിച്ചു.
“സ്താനാർത്തി ശ്രീക്കുട്ടൻ” എന്ന സിനിമയിലെ കുട്ടികളായ അഭിനേതാക്കളെയൊന്നും മ്മടെ കുച്ച്ഭി ചേട്ടൻ കണ്ടില്ലെന്ന് തോന്നുന്നു. മികച്ച ബാലതാരം ഇല്ലത്രേ! അതെന്തായാലും ഒരു കഞ്ചനൊപ്പം കുട്ടികൾ വേദി പങ്കിട്ട് സമ്മാനം വാങ്ങേണ്ടെന്ന തീരുമാനത്തിന് കയ്യടി. ” – ശ്രീജിത് പണിക്കർ ഫേസ്ബുക്കിൽ കുറിച്ചു.
