കണ്ണൂര്:തിങ്കളാഴ്ച പ്രകാശനം ചെയ്ത സി പി എം നേതാവ് ഇ പി ജയരാജന്റെ ആത്മകഥയില് പാര്ട്ടി നേതൃത്വത്തോടുള്ള അമര്ഷമുള്പ്പെടെ തുറന്നുകാട്ടുന്നു.ഇ പി ജയരാജന്റെ ആത്മകഥ ‘ഇതാണെന്റെ ജീവിതം’ ഇന്ന് മുഖ്യമന്ത്രി പിണറായി വിജയനാണ് പ്രകാശനം ചെയ്തത്.
കണ്ണൂര് മൊറാഴയിലെ വൈദേകം ആയുര്വേദ റിസോര്ട്ട് വിവാദം പാര്ട്ടി കൈകാര്യം ചെയ്ത രീതിയോട് ആത്മകഥയില് ഇ പി അതൃപ്തി പ്രകടിപ്പിക്കുന്നു. വൈദേകം വിഷയം സി പി എം സംസ്ഥാന സമിതിയില് പി ജയരാജന് ഉന്നയിച്ചപ്പോള് താന് യോഗത്തില് ഉണ്ടായിരുന്നില്ല.അഴിമതി ആരോപണമല്ല ഉന്നയിച്ചതെന്നും ഇ പി പറയുന്നു.
സ്വകാര്യ സ്ഥാപനത്തെ സഹകരണ സ്ഥാപനത്തെപോലെ സഹായിച്ചതാണ് ചൂണ്ടിക്കാട്ടിയത്. എന്നാല് വാര്ത്ത പുറത്തുവന്നത് അഴിമതി ആരോപണമായിട്ടായിരുന്നു .വലിയ അഴിമതി ആരോപണമായി മാധ്യമ വാര്ത്തകള് വന്നപ്പോള് നേതൃത്വം വ്യക്തത വരുത്താത്തതിലാണ് ഇ പി ആത്മകഥയില് അമര്ഷം പ്രകടിപ്പിക്കുന്നത്.
ബന്ധപ്പെട്ടവര് നേരത്തെ വിശദീകരണം നല്കിയിരുന്നെങ്കില് തനിക്കെതിരായ അധിക്ഷേപങ്ങള് നിലയ്ക്കുമായിരുന്നുവെന്നും അദ്ദേഹം ആത്മകഥയില് പറയുന്നു.
കഥാകാരന് ടി പത്മനാഭന് പുസ്തകം കൈമാറിയാണ് മുഖ്യമന്ത്രി ‘ഇതാണെന്റെ ജീവിതം’ പ്രകാശനം ചെയ്തത്. പി ജയരാജന് ചടങ്ങില് പങ്കെടുത്തില്ല.
