പട് ന: ബീഹാറില് എന്ഡിഎ 160 സീറ്റുകളില് വിജയിക്കുമെന്ന് അമിത് ഷായുടെ പ്രവചനം. 2005ന് ശേഷം അഞ്ചാം തവണയും ബീഹാറില് സര്ക്കാര് രൂപീകരിക്കുമെന്നും അമിത് ഷാ പറഞ്ഞു. എന്ഡിടിവിയ്ക്ക് അനുവദിച്ച അഭിമുഖത്തിലായിരുന്നു അമിത് ഷായുടെ ഈ ആത്മവിശ്വാസപ്രകടനം.
മുഖ്യമന്ത്രി നിതീഷ് കുമാറിന്റെ കീഴിലാണ് എന്ഡിഎ തെരഞ്ഞെടുപ്പിനെ നേരിടുന്നത്. രാജ്യത്ത് ഏറ്റവുമധികം രാഷ്ട്രീയബോധമുള്ള സംസ്ഥാനമാണ് ബീഹാര്. ഇവിടെ ഇക്കുറി മൂന്നില് രണ്ട് ഭൂരിപക്ഷത്തോടെ വിജയിക്കും. – അമിത് ഷാ പറഞ്ഞു. 243 അംഗങ്ങള് ഉള്ളതാണ് ബീഹാര് മന്ത്രിസഭ.
നിതീഷ്കുമാറിന്റെ ആരോഗ്യത്തെക്കുറിച്ച് പ്രതിപക്ഷം ആശങ്ക പ്രകടിപ്പിക്കുന്നുണ്ടല്ലോ എന്ന ചോദ്യത്തിന് അദ്ദേഹം ദിവസേന അഞ്ച് റാലികളിലെങ്കിലും പങ്കെടുക്കുന്നുണ്ടെന്നും അമിത് ഷാ പറഞ്ഞു. നവമ്പര് 6, 11 തീയതികളിലായാണ് ബീഹാര് നിയമസഭാ തെരഞ്ഞെടുപ്പ്. നവമ്പര് 14ന് വോട്ടെണ്ണും.
