കോട്ടയം: ജോസ് കെ മാണിയുടെ ഭാര്യയും കെ. എം മാണിയുടെ മരുമകളുമായ നിഷ ജോസ് പാലാ നഗരസഭാധ്യക്ഷ സ്ഥാനം ലക്ഷ്യമിട്ട് തദ്ദേശ തെരഞ്ഞെടുപ്പില് പാലായില് മത്സരിക്കുമെന്ന പ്രചാരണം തള്ളി കേരളാ കോണ്ഗ്രസ്. ഇത്തരം വാര്ത്തകള് പുറത്തുവിടുന്നത് എവിടെ നിന്നാണെന്ന് അറിയാമെന്നും ജോസ് കെ. മാണി പറഞ്ഞു. നിഷ സാമൂഹ്യസേവന പ്രവര്ത്തനങ്ങളിലാണ് ശ്രദ്ധകൊടുക്കുന്നതെന്നും അദ്ദേഹം പറഞ്ഞു.
നിഷ ജോസ് പാലായില് തദ്ദേശ തെരഞ്ഞെടുപ്പില് മത്സരിക്കുമെന്ന പ്രചാരണങ്ങളോട് പ്രതികരിക്കുകയായിരുന്നു ജോസ്. കെ എം മാണിയുടെ മരണശേഷം തെരഞ്ഞെടുപ്പുകളില് നിരന്തരം തിരിച്ചടികള് നേരിട്ടുകൊണ്ടിരിക്കുന്ന
കേരള കോണ്ഗ്രസ് എമ്മിന് പാലാ നഗരസഭയില് മാത്രമാണ് ഇപ്പോള് മേല്ക്കൈ ഉള്ളത്. കഴിഞ്ഞ നിയമസഭാ തിരഞ്ഞെടുപ്പിലും ലോക്സഭാ തിരഞ്ഞെടുപ്പിലും വലിയ പരാജയം നേരിട്ടിരുന്നു.
