തിരുവനന്തപുരം:റസൂല് പൂക്കുട്ടി ചലച്ചിത്ര അക്കാദമി ചെയര്മാനായി സ്ഥാനമേല്ക്കുന്ന ചടങ്ങില് തന്നെ ക്ഷണിക്കാത്തതില് വിഷമമുണ്ടെന്ന് നടനും ചലച്ചിത്ര അക്കാദമി മുന് ചെയര്മാനുമായ പ്രേംകുമാര്.ഔദ്യോഗികമായ ഒരു അറിയിപ്പും കിട്ടിയില്ല.
തന്നെ മാറ്റിയതും പുതിയ ആളെ നിയോഗിച്ചതും അറിഞ്ഞില്ല. തന്നെ നിയോഗിച്ചത് സര്ക്കാരാണ്. ചുമതല കൃത്യമായും സുതാര്യമായും ജനകീയമായും സത്യസന്ധതയോടും ആത്മാര്ഥതയോടും കൂടിയാണ് ചെയ്തതെന്ന് പ്രേംകുമാര് പറഞ്ഞു.
നിലമ്പൂര് ഉപതിരഞ്ഞെടുപ്പ് പ്രചാരണത്തിന് പോകാതിരുന്നതും ആശ സമരത്തിന് അനുകൂലമായി പ്രതികരിച്ചതുമാണ് പ്രേംകുമാറിനെ മാറ്റാന് കാരണമെന്നാണ് അണിയറ വര്ത്തമാനം. എന്നാല് ഈ ചോദ്യങ്ങളോട് പ്രേംകുമാര് പ്രതികരിച്ചില്ല.
