തിരുവനന്തപുരം: കേരള സര്വകലാശാല രജിസ്ട്രാര് ഡോ.കെ എസ് അനില്കുമാറിന്റെ സസ്പെന്ഷന് റദ്ദാക്കണമെന്ന് ആവശ്യപ്പെട്ട് സിന്ഡിക്കേറ്റ് പ്രമേയം പാസാക്കി.ഇടത് ഭൂരിപക്ഷമുളള സിന്ഡിക്കേറ്റില് യോഗത്തില് പങ്കെടുത്ത 22 അംഗങ്ങളില് 19 പേരും അനില്കുമാറിന് തിരിച്ചെടുക്കാം എന്ന നിര്ദേശത്തെ പിന്തുണച്ചു.എന്നാല് വിസി ഡോ മോഹന് കുന്നുമ്മലും രണ്ട് ബിജെപി അംഗങ്ങളും ഈ നിര്ദേശത്തില് വിയോജിപ്പ് രേഖപ്പെടുത്തി.
വാഗ്വാദമായതോടെ യോഗം നിര്ത്തി. തുടര്നടപടികള് ഗവര്ണര്ക്ക് വിട്ടു.സസ്പെന്ഷന് കാലത്ത് ഡോ അമില്കുമാര് അനധികൃതമായി ഫയലുകള് ഒപ്പിട്ടു എന്ന് വിസി ആരോപിച്ചു.
സെനറ്റ് ഹാളില് നടന്ന സ്വകാര്യ സംഘടനയുടെ പരിപാടിയില് ഭാരതാംബ ചിത്രം വച്ചതിനെ തുടര്ന്ന് രജിസ്ട്രാര് ഡോ അനില്കുമാര് പരിപാടിക്ക് അനുമതി റദ്ദാക്കിയതാണ് പ്രശ്നങ്ങള്ക്ക് കാരണം.ഗവര്ണര് പങ്കെടുക്കേണ്ട പരിപാടിക്കാണ് രജിസ്ട്രാര് അനുമതി റദ്ദാക്കിയത്. എസ് എഫ് ഐയുടെ പ്രതിഷേധം കണക്കിലെടുത്തായിരുന്നു ഇത്. എന്നാല് ഗവര്ണറെ അപമാനിച്ചെന്ന കാരണത്താല് വി സി രജിസ്ട്രാറെ സസ്പന്ഡ് ചെയ്തു.എന്നാല് ഇതംഗീകരിക്കാന് രജിസ്ട്രാര് തയാറായില്ല. ഇടത് ഭൂരിപക്ഷ സിന്ഡിക്കേറ്റിന്റെ പിന്തുണയോടെ ആയിരുന്നു ഇത്.
തുടര്ന്ന് തര്ക്കം ഹൈക്കോടതിയിലെത്തി.
