തിരുവനന്തപുരം: സംസ്ഥാന സർക്കാർ കൊട്ടിഘോഷിച്ച് നടത്തുന്ന അതിദാരിദ്ര്യ മുക്ത കേരളം പ്രഖ്യാപന പരിപാടിയിൽ നടൻമാരായ മോഹൻലാലും കമൽ ഹാസനും പങ്കെടുക്കില്ല. ഇരുതാരങ്ങളും തങ്ങളുടെ വ്യക്തിപരമായ ബുദ്ധിമുട്ട് സര്ക്കാരിനെ അറിയിച്ചതായാണ് വിവരം. മമ്മൂട്ടി ചടങ്ങില് പങ്കെടുക്കാന് തിരുവനന്തപുരത്ത് എത്തിയിട്ടുണ്ട്.
മോഹന്ലാല് ദുബായിലാണെന്നാണ് ലഭിക്കുന്ന വിവരം. കമല്ഹാസനും തന്റെ വ്യക്തിപരമായ തിരക്കുകള് സര്ക്കാരിനെ അറിയിക്കുകയായിരുന്നു. മമ്മൂട്ടി ആയിരിക്കും ചടങ്ങിലെ മുഖ്യാതിഥി. വൈകീട്ട് അഞ്ച് മണിക്ക് സെന്ട്രല് സ്റ്റേഡിയത്തിലാണ് പൊതുസമ്മേളനം നടക്കുക. മുഖ്യമന്ത്രി പിണറായി വിജയനൊപ്പം മറ്റ് വകുപ്പ് മന്ത്രിമാരും ചടങ്ങില് പങ്കെടുക്കും. സംസ്ഥാനത്തെ എല്ലാ തദ്ദേശ സ്വയംഭരണ സ്ഥാപനങ്ങളിലും പ്രത്യേക പരിപാടിയും നടത്തും.
ഇംഗ്ലീഷ് മാധ്യമങ്ങളിൽ അടക്കം മുൻ പേജ് പരസ്യം നൽകി വൻ പ്രചാരമാണ് പ്രഖ്യാപനത്തിനു സർക്കാർ നൽകിയത്. അതിദാരിദ്ര്യ നിർമാർജനം ചെയ്തെന്ന സർക്കാരിന്റെ അവകാശവാദം പൊള്ളയാണെന്ന് വിമർശനം ശക്തമാണ്. തദ്ദേശ തെരഞ്ഞെടുപ്പ് മുന്നിൽ കണ്ട് പിണറായി സർക്കാർ നടത്തുന്ന പ്രഹസമാണിതെന്നാണ് വിമർശനമാണ് ഉയരുന്നത്. നിയമസഭയിൽ രേഖകൾ പ്രകാരവും സംസ്ഥാനത്ത് ഇപ്പോഴും ഇത്തരം കുടുംബങ്ങളുണ്ട്.
