ന്യൂദല്ഹി :പി എം ശ്രീ പദ്ധതിയില് സര്ക്കാര് ഒപ്പുവച്ചതിനെ സിപിഎം ജനറല് സെക്രട്ടറി എംഎ ബേബി വിമര്ശിച്ചു. ഇടത് മുന്നണിയില് ചര്ച്ച ചെയ്യും മുമ്പ് പി എം ശ്രീയില് ഒപ്പിട്ട സാഹചര്യം ഒഴിവാക്കേണ്ടിയിരുന്നുവെന്ന് എം എ ബേബി പറഞ്ഞു.ധാരണാപത്രത്തില് ഒപ്പിടുന്നത് എല്ലാവര്ക്കും വ്യക്തത വരുന്ന രീതിയിലാകണമായിരുന്നു.
ഈ തീരുമാനത്തിന്റെ അടിസ്ഥാനത്തിലാണ് ഇപ്പോള് മന്ത്രിസഭാ ഉപസമിതി രൂപീകരിച്ചത്. ഇനി ഉപസമിതിയുടെ പ്രവര്ത്തനങ്ങള് എങ്ങനെ മുന്നോട്ടുപോകുന്നു എന്ന് വിലയിരുത്തുന്നതിനാണ് നമ്മള് ഊന്നല് നല്കേണ്ടതെന്നും എംഎ ബേബി പറഞ്ഞു.
സിപിഐയും സിപിഎമ്മും ചേര്ന്ന് എല്ലാവരും ആഗ്രഹിച്ച ഒരു തീരുമാനമെടുത്തു. സിപിഐ ജനറല് സെക്രട്ടറി എ കെ ജി ഭവനില് വന്ന് കാര്യങ്ങള് സംസാരിച്ചിരുന്നുവെന്നും എംഎ ബേബി പറഞ്ഞു. പിഎം ശ്രീ വിഷയത്തില് സിപിഐ എതിര്പ്പറിയിച്ചതില് പോസ്റ്റ്മോര്ട്ടത്തിന് മുതിരുന്നില്ല. വിഷയം സിപിഎം കേന്ദ്ര കമ്മിറ്റി പരിശോധിക്കില്ല. മന്ത്രിസഭ ഉപസമിതി വിഷയം പരിശോധിക്കുന്നതിനാല് മറ്റു പരിശോധനകള് ആവശ്യമില്ലെന്നും എം എ ബേബി പറഞ്ഞു.
