തിരുവനന്തപുരം: നെല്ല് സംഭരണ വിഷയത്തില് സംസ്ഥാന സര്ക്കാര് കൃത്യമായ നിലപാട് സ്വീകരിക്കാത്ത സാഹചര്യത്തില് കര്ഷകരുടെ ആവശ്യം മാനിച്ച് നെല്ല് സംഭരിക്കുവാന് കേന്ദ്ര ഏജന്സിയുമായി കരാര് ഉണ്ടാക്കണമെന്ന് കേരള സംയുക്ത കര്ഷകവേദി ജനറല് കണ്വീനറും ,കര്ഷക മോര്ച്ച സംസ്ഥാന അധ്യക്ഷനുമായ ഷാജി രാഘവന് ആവശ്യപ്പെട്ടു ഈ ആവശ്യം ഉന്നയിച്ച് ഭക്ഷ്യവകുപ്പ് മന്ത്രി ജി ആര് അനിലിനു നിവേദനം നല്കി .
യഥാസമയം നെല്ല് സംഭരിച്ചാല് മാത്രം പോരാ കേന്ദ്ര സര്ക്കാരുമായി ഉണ്ടാക്കിയിട്ടുള്ള ധാരണപത്രം അനുസരിച്ച് സംഭരിച്ച നെല്ലിന്റ വില 48 മണിക്കൂറിനുള്ളില് കര്ഷകരുടെ ബാങ്ക് അക്കൗണ്ടിലേക്ക് നല്കാനുള്ള നടപടിയും സ്വീകരിക്കണം. കൂടാതെ കേന്ദ്ര ഏജന്സി നെല്ല് സംഭരണം ഏറ്റെടുത്താലും കേന്ദ്രം മിനിമം താങ്ങു വില ആയി നല്കുന്ന തുകയോടൊപ്പം സംസ്ഥാന വിഹിതമായ എട്ടുരൂപ അറുപത് പൈസ ബോണസും നല്കണമെന്നും നിവേദനത്തില് ചൂണ്ടിക്കാണിച്ചിട്ടുണ്ടെന്ന് അദ്ദേഹം പറഞ്ഞു.
‘ ബി’ജെ.പി സംസ്ഥാന ജനറല് സെക്രട്ടറി അഡ്വക്കേറ്റ് എസ്. സുരേഷ്, സംയുക്ത കര്ഷ വേദി കണ്വീനര് എം. വി രാജേന്ദ്രന് ,കര്ഷക മോര്ച്ച സംസ്ഥാന ജനറല് സെക്രട്ടറി എം വി രഞ്ജിത്ത് എന്നിവരും അദ്ദേഹത്തോടൊപ്പം ഉണ്ടായിരുന്നു
