പട് ന: ബീഹാറില് നിതീഷ് കുമാറിനെ ബിജെപി റിമോട്ട് കണ്ട്രോളില് ഭരിയ്ക്കുകയാണെന്ന് വിമര്ശനം ഉയര്ത്തി ആര്ജെഡി നേതാവ് തേജസ്വി യാദവ്. മുസഫര്പൂരിലെ റാലിയില് സംസാരിക്കുകയായിരുന്നു നിതീഷ് കുമാര്.
എഴുത്തും വായനയും അറിയാത്ത അമ്മ റബ്രിദേവിയെ മുഖ്യമന്ത്രിക്കസേരയില് ഇരുത്തി റിമോട്ട് കണ്ട്രോള് ഭരണം നടത്തിയത് ലാലുപ്രസാദ് യാദവാണെന്ന കാര്യം മറക്കരുതെന്നാണ് തേജസ്വിയുടെ കമന്റിന് സമൂഹമാധ്യമങ്ങളില് ഉയരുന്ന പരിഹാസം. തേജസ്വിയുടെ അമ്മ റാബ്രി ദേവി ഒരു കുഗ്രാമത്തിലെ സ്കൂളില് അഞ്ചാം ക്ലാസ് വരെ മാത്രം പഠിച്ച സ്ത്രീയാണ്.
കോടികളുടെ കന്നുകാലിത്തീറ്റ കുംഭകോണവുമായി ബന്ധപ്പെട്ട് മുഖ്യമന്ത്രിയായ ലാലു പ്രസാദ് യാദവ് അറസ്റ്റിലാകുമെന്ന് കണ്ടതോടെ മറ്റൊരാളെയും മുഖ്യമന്ത്രിയാക്കാതെ സ്വന്തം ഭാര്യയായ റാബ്രി ദേവിയെ മുഖ്യമന്ത്രിക്കസേരയില് ഇരുത്തുകയായിരുന്നു. അന്ന് ജയിലില് കഴിഞ്ഞിരുന്ന ലാലുപ്രസാദ് യാദവ് റിമോട്ട് കണ്ട്രോളില് ഭരണം നടത്തുകയായിരുന്നു.
