സംസ്ഥാനത്ത് ഇന്ന് സ്വർണവില വർധിച്ചു. ഒരു പവൻ സ്വർണത്തിന് 560 രൂപയാണ് വർധിച്ചത്. ഒരു പവന് 89,160 ആണ് ഇന്നത്തെ വില. ഒരു ഗ്രാം സ്വർണത്തിന് 70 രൂപ വർധിച്ച് 11,145 രൂപയായി. ഒരു ഗ്രാം 24 കാരറ്റ് സ്വർണത്തിന് ₹12,158, ഒരു ഗ്രാം 18 കാരറ്റ് സ്വർണത്തിന് 9,119 എന്നിങ്ങനെയാണ് ഇന്നത്തെ നിരക്കുകൾ. വെള്ളിയുടെ വിലയിലും വർദ്ധനവ് ഉണ്ടായി. ഒരു ഗ്രാം വെള്ളിക്ക് 166 രൂപയാണ് ഇന്നത്തെ നിരക്ക്. സ്വര്ണവില ഒട്ടും വൈകാതെ തന്നെ ഒരു ലക്ഷം കടക്കുമെന്ന സൂചനകളായിരുന്നു വിപണിയില് നിന്ന് ലഭിച്ചിരുന്നു. അതിവേഗമായിരുന്നു വിലയില് വര്ധനവ് രേഖപ്പെടുത്തിയിരുന്നത്. എന്നാല് കുറച്ച് ദിവസമായി സ്വര്ണവില കുറയുന്ന ലക്ഷണമാണ് ഉണ്ടായിവന്നിരുന്നത്. ഇപ്പോൾ അത് വീണ്ടും വർധനവിലേക്കെത്തിയിരിക്കുകയാണ്. അതേസമയം, ഒരു പവൻ സ്വർണാഭരണം വാങ്ങാൻ ഇന്ന് ഏകദേശം ഒരു ലക്ഷം രൂപ ചെലവാകും. വിപണിയിൽ ഏറ്റവും കുറഞ്ഞ 5% പണിക്കൂലി, 3% ജിഎസ്ടി, ഹാൾമാർക്കിംഗ് ചാർജ് എന്നിവ ഉൾപ്പെടുമ്പോഴാണ് ഇത്രയും തുകയാകുന്നത്.
