മോഹൻലാൽ എന്ന നടൻ ഇല്ലാത്തൊരു ലോകത്തെ പറ്റി ചിന്തിക്കുകയെന്നത് മലയാളികൾക്ക് പ്രയാസമായിരിക്കും. ഏകദേശം 48 വർഷത്തിൽ അധികം നീണ്ടുനിൽക്കുന്ന അഭിനയ ജീവിതത്തിനിടയിൽ എണ്ണമറ്റ കഥാപാത്രങ്ങളെ അദ്ദേഹം നമുക്ക് മുൻപിൽ അവതരിപ്പിച്ചിട്ടുണ്ട്.
അഭിനയകലയുടെ വിശിഷ്ട പാഠപുസ്തകം കൂടിയാണ് മലയാളത്തിന്റെ മഹാനടൻ മോഹൻലാൽ എന്ന് നിസംശയം പറയാം. ലാലേട്ടനെ അനുകരിത്താവർ ചുരുക്കമാകും. തോള് ചരിച്ചിള്ള നടത്തവും ചിരിയും എന്താ മോനെ എന്നുള്ള വിളിയുമെല്ലാം കാലാകാരന്മാർക്കിടയിലും ട്രെൻഡിംഗ് ആണ്.
പ്രകൃതി പോലും മോഹൻലാലിനെ അനുകരിക്കുന്നുവെന്ന് പറഞ്ഞാൽ വിശ്വസിക്കുമോ? അതെ, ഇടുക്കിയിൽ മോഹൻലാലിനെ അനുകരിക്കുന്ന ഒരു പാറയുണ്ട്. ലാലേട്ടൻ പാറ എന്നാണ് ഇതിനെ അറിയപ്പെടുന്നത്.
ഇടുക്കി ജില്ലയിലെ മോഹൻലാൽ പാറയെന്ന് വിളിക്കുന്ന കല്ലുമ്മേൽ കല്ലാണ് ഇത്. ഇടുക്കിയിലെ കീരിത്തോടിന് സമീപമാണ് ഈ പാറ സ്ഥിതി ചെയ്യുന്നത്. ഒരു കല്ലിനു മുകളിൽ മറ്റൊരു കല്ലിരിക്കുന്നതിനാലാണ് ഈ പാറയ്ക്ക് അങ്ങനെയൊരു പേര് ലഭിച്ചത്.
മോഹൻലാലിന്റെ തലയോടെ സാമ്യം ഉള്ളതിനാലാണ് ഇപ്പോൾ ഈ പാറ ലാലേട്ടൻ പാറ എന്ന് അറിയപ്പെടുന്നത്. വഴിയോരത്തുള്ള കല്ലുമ്മേൽ കല്ല് അടിപൊളിയൊരു വ്യൂ പോയിന്റ് കൂടിയാണ്.
ചെറുതോണിയിൽ നിന്നും അടിമാലിക്കുള്ള യാത്രയ്ക്കിടയിൽ വലതുവശത്തായാണ് കല്ലുമ്മേൽ കല്ല് സ്ഥിതി ചെയ്യുന്നത്. നിരവധി പേരാണ് ഈ പാറ കാണാൻ ഇവിടേയ്ക്ക് എത്തുന്നത്.
സാക്ഷാൽ മോഹൻലാലും തന്റെ രൂപ സാദൃശ്യമുള്ള ഈ പാറ കാണാൻ എത്തിയിട്ടുണ്ട്.
