തിരുവനന്തപുരം: 3229 ചതുരശ്രഅടി വരെ വിസ്തീര്ണമുള്ള ഇരുനില വീടുകള്ക്ക് ഉയരം കണക്കാക്കാതെ തന്നെ സെല്ഫ് സര്ട്ടിഫൈഡ് പെര്മിറ്റ് നല്കുന്നതടക്കം കെട്ടിടനിര്മാണ ചട്ടങ്ങളില് കാര്യമായ ഭേദഗതിക്ക് സര്ക്കാര് ഒരുങ്ങുന്നു. 7 വരെ മീറ്റര് വരെ ഉയരമുള്ള വീടുകള്ക്കാണ് സെല്ഫ് സര്ട്ടിഫൈഡ് പെര്മിറ്റ് ലഭിക്കുന്നത്. ചട്ടപ്രകാരം ലൈസന്സുളള എന്ജിനീയര് വഴി അപേക്ഷിച്ചാല് തദ്ദേശ സ്ഥാപനങ്ങളുടെ പരിശോധനയ്ക്കു കാക്കാതെ കാലതാമസമില്ലാതെ സ്വയം പെര്മിറ്റ് എടുക്കാം.
വാണിജ്യ ആവശ്യങ്ങള്ക്കുള്ള കെട്ടിടങ്ങള്ക്ക് നിലവില് 1076 ചതുരശ്രഅടി വിസ്തീര്ണ്ണമുള്ളവയ്ക്കാണ് സെല്ഫ് സര്ട്ടിഫൈഡ് പെര്മിറ്റ് ലഭിക്കുക. അത് 2690.98 ചതുരശ്രഅടി ആക്കി മാറ്റും.
വ്യവസായ ആവശ്യങ്ങള്ക്കുള്ള കെട്ടിടങ്ങളുടെ നിര്മാണത്തിനും ഇളവുകള് ലഭിക്കും. ജി ഒന്ന് കാറ്റഗറിയില് 2152 ചതുരശ്ര അടി വരെ വിസ്തൃതിയുള്ളതും മലിനീകരണ നിയന്ത്രണ ബോര്ഡിന്റെ വൈറ്റ്, ഗ്രീന് കാറ്റഗറികളിലുള്ളതുമായ മുഴുവന് വ്യവസായ ആവശ്യത്തിനുള്ള കെട്ടിടങ്ങള്ക്കും അപേക്ഷിച്ചാല് ഉടന് സെല്ഫ് സര്ട്ടിഫൈഡ് പെര്മിറ്റ് ലഭിക്കും. ഭേദഗതികള് തയ്യാറായിട്ടുണ്ടെന്നും നിയമവകുപ്പിന്റെ പരിശോധനമാത്രമാണ് ശേഷിക്കുന്നതെന്നുമാണ് റിപ്പോര്ട്ടുകള്.
കെട്ടിട നിര്മ്മാണ നിയമത്തിലെ നൂലാമാലകള് അഴിയും, പെര്മിറ്റിലും ഇളവ്, ഭേദഗതികള് ഒരുങ്ങുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.