തിരുവനന്തപുരം: മെസ്സി കേരളത്തിലേക്ക് വരില്ലെന്ന വാര്ത്ത പുറത്തുവന്നതോടെ കായികമന്ത്രി അബ്ദുറഹിമാനും റിപ്പോര്ട്ടര് ചാനല് എംഡി ആന്റോ അഗസ്റ്റിനും എതിരെ ട്രോളുകള് ശക്തമാണ്. ഇരുവരും ഏതാനും ആഴ്ചകള്ക്ക് മുന്പ് എന്തായാലും മെസ്സിയെ കൊണ്ടുവരുമെന്ന് വാര്ത്താസമ്മേളനം നടത്തി ഉറപ്പ് നല്കിയിരുന്നു.
മെസ്സി വന്നില്ലെങ്കിലെന്താ സല്മാന് ഖാന് വരുമല്ലോ എന്നതാണ് കായികമന്ത്രിയ്ക്കെതിരായ ഒരു പരിഹാസം. കഴിഞ്ഞ ദിവസം മലപ്പുറത്ത് നടക്കുന്ന വണ്ടിപ്പൂട്ടു മത്സരം ഉദ്ഘാടനം ചെയ്യാന് സല്മാന് ഖാന് വരുമെന്ന കായികമന്ത്രി അബ്ദുറഹിമാന്റെ പ്രസ്താവനയാണ് പരിഹാസം ക്ഷണിച്ചുവരുത്തിയത്. മാത്രമല്ല, വണ്ടിപ്പൂട്ടു മത്സരം സര്ക്കാര് ചെലവില് ഗംഭീരമായി നടത്തുമെന്ന പ്രസ്താവനയ്ക്കെതിരെ മന്ത്രി മെസ്സിയെയും ഫുട്ബാളിനെയും വിട്ട് ഇപ്പോള് വണ്ടിപ്പൂട്ടു മത്സരത്തിന് പിന്നാലെയാണെന്നും പരിഹാസം ഉയരുന്നുണ്ട്.
മെസ്സി വന്നില്ലെങ്കില് അര്ജന്റീനയിലെ എല്ലാ ട്രീകളും കട്ട് ചെയ്യുമെന്ന രീതിയിലാണ് റിപ്പോര്ട്ടര് ചാനല് എംഡി ആന്റോ അഗസ്റ്റിനെതിരെ പരിഹാസം ഉയരുന്നത്. മുട്ടില് മരം മുറി വിവാദത്തില് പേരുള്ളതിനാലാണ് ഇത്തരമൊരു പരിഹാസം.
ഇപ്പോള് മെസ്സി വരുന്നതുമായി ബന്ധപ്പെട്ട് സ്റ്റേഡിയത്തില് നടത്തിയ അറ്റകുറ്റപ്പണികളുമായി ബന്ധപ്പെട്ടും ചില സാമ്പത്തിക അഴിമതി ആരോപണം ഉയരുന്നുണ്ട്.
