മലപ്പുറം: അര്ജന്റീന ഫുട്ബോള് ടീം വരില്ലെന്നും ചിലപ്പോള് മാര്ച്ചില് വരുമെന്നുമൊക്കെ ഉളള ചര്ച്ചകള്ക്കിടെ പുതിയ വാര്ത്ത പുറത്തു വിട്ട് കായികമന്ത്രി വി അബ്ദുറഹിമാന്. കോഴിക്കോട് സ്റ്റേഡിയത്തിലെ ബൈക്ക് റേസ് ഉദ്ഘാടനം ചെയ്യുന്നത് പ്രശസ്ത സിനിമാ താരം സല്മാന് ഖാന് ആണെന്നാണ് മന്ത്രി പറഞ്ഞത്.
വണ്ടി പൂട്ടുമത്സരം അംഗീകാരത്തിനുള്ള ആവശ്യം സര്ക്കാരിന്റെ പരിഗണനയിലുണ്ട്. മലപ്പുറം പൂക്കോട്ടൂരില് വണ്ടി പൂട്ട് മത്സരം ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി വി അബ്ദുറഹിമാന്.
അര്ജന്റീന ഫുട്ബോള് ടീം കേരളത്തില് കളിക്കാന് വരുമെന്ന് തന്നെയാണ് ഇപ്പോഴും പ്രതീക്ഷയെന്നാണ് കായിക മന്ത്രി വി അബ്ദുറഹിമാന് നേരത്തേ മാധ്യമങ്ങളോട് പ്രതികരിച്ചത്. ഇപ്പോഴും ശ്രമം തുടരുന്നുണ്ട്.കൊച്ചി കലൂര് സ്റ്റേഡിയത്തിലെ നവീകരണ പ്രവര്ത്തനങ്ങളുമായി ബന്ധപ്പെട്ട് ഫിഫ അനുമതികള് വൈകിയതാണ് അര്ജന്റീന ടീമിന്റെ നവംബറിലെ വരവ് തടസപ്പെടാന് കാരണം. സ്റ്റേഡിയം നവീകരണം നിശ്ചിത സമയത്ത് പൂര്ത്തിയാക്കും എന്നു കരുതിയാണ് അര്ജന്റീനയുടെ കേരള സന്ദര്ശന തീയതികള് പ്രഖ്യാപിച്ചത്. നമ്മുടെ നാട്ടിലെ ചിലര് ഇ-മെയില് അയച്ച് അര്ജന്റീനയുടെ വരവ് മുടക്കാന് നോക്കിയെന്നും മന്ത്രി ആരോപിച്ചു.
