ഭോപാല്: ആസ്ത്രേല്യയിലെ വനിതാ ക്രിക്കറ്റ് താരങ്ങളെ ഉപദ്രവിച്ചതിന് മധ്യപ്രദേശ് പൊലീസ് അതിവിദഗ്ധമായി അറസ്റ്റ് ചെയ്ത അക്കില് ഖാനെ വെള്ളപൂശാന് പ്രതിപക്ഷപാര്ട്ടികളുടെയും ജിഹാദികളുടെയും ശ്രമം. അക്കില്ഖാന്റെ കയ്യിലും കാലിലും പ്ലാസ്റ്ററിട്ട ചിത്രം സമൂഹമാധ്യമങ്ങളില് പ്രചരിപ്പിച്ച് മധ്യപ്രദേശിലെ ബിജെപി സര്ക്കാരിനെ വിമര്ശിക്കാനാണ് പ്രതിപക്ഷപാര്ട്ടികളും ചില എന്ജിഒകളും ശ്രമിക്കുന്നത്. അക്കില് ഖാന് കോണ്ഗ്രസ് വോട്ടറാണെന്നും അനുഭാവിയാണെന്നും വാര്ത്തകള് പുറത്തുവന്ന് കഴിഞ്ഞു.
രണ്ട് വനിതാ ആസ്ത്രേല്യന് ക്രിക്കറ്റ് താരങ്ങളെ ബൈക്കില് തൊപ്പി ധരിച്ചെത്തിയ ഒരു യുവാവ് ഉപദ്രവിക്കാന് ശ്രമിച്ചു എന്ന വാര്ത്ത രാഷ്ട്രീയ എതിരാളികള് ആദ്യം മധ്യപ്രദേശിലെ ബിജെപി സര്ക്കാരിനെ അടിക്കാനുള്ള വടിയാക്കി ഉപയോഗിക്കാന് ശ്രമിച്ചിരുന്നു. പക്ഷെ പ്രതിയായ അക്കില് ഖാനെ ഇത്രവേഗം മധ്യപ്രദേശ് പൊലീസ്. പൊക്കുമെന്ന് രാഷ്ട്രീയ എതിരാളികള് നിനച്ചില്ല. സിസിടിവെ ദൃശ്യങ്ങളും മറ്റ് തെളിവുകളും ഉപയോഗിച്ച് ആഭ്യന്തരമന്ത്രി നരോത്തം മിശ്രയുടെ നിര്ദ്ദേശപ്രകാരം മധ്യപ്രദേശ് പൊലീസ് അക്കില് ഖാനെ പൊക്കുകയായിരുന്നു. ലോകരാഷ്ട്രങ്ങള്ക്ക് മുന്പില് ഇന്ത്യയുടെ പ്രതിച്ഛായ കളങ്കപ്പെടുത്താനുള്ള ബോധപൂര്വ്വമായ ക്വട്ടേഷന് നടപ്പാക്കുകയായിരുന്നോ അക്കില് ഖാന് എന്നും മധ്യപ്രദേശ് പൊലീസ് പരിശോധിച്ച് വരികയാണ്.
എന്തായാലും ഇപ്പോള് കയ്യിലും കാലിലും പ്ലാസ്റ്ററിട്ട അക്കില്ഖാനെ അവതരിപ്പിച്ച് സഹതാപതരംഗം ഉണ്ടാക്കാന് ഇവര് ശ്രമിക്കുമ്പോള് ഇത് രാഷ്ട്രീയ ഗൂഢാലോചന തന്നെയെന്ന സംശയം ബലപ്പെടുകയാണ്. ഇയാളെ ക്രൂരമായി തല്ലിച്ചതച്ചു എന്ന രീതിയിലാണ് സമൂഹമാധ്യമങ്ങളില് പ്രചരിപ്പിക്കാന് ശ്രമിക്കുന്നത്. സംഭവത്തിന് വര്ഗ്ഗീയ ചേരിതിരിവ് സൃഷ്ടിക്കാനും ശ്രമം നടക്കുന്നുണ്ട്. കുറ്റവാളിയെ പൂവിട്ട് പൂജിക്കണമായിരുന്നോ എന്ന മറുചോദ്യവും ചിലര് ചോദിക്കുന്നുണ്ട്.
ഇന്ത്യയ്ക്ക് നാണക്കേടുണ്ടാക്കിയ സംഭവം ഇങ്ങിനെ
ഐസിസി വനിതാ ലോകകപ്പ് ക്രിക്കറ്റില് മത്സരിക്കാന് മധ്യപ്രദേശിലെ ഇന്ഡോറില് എത്തിയതാണ് ആസ്ത്രേല്യന് ടീം. കഴിഞ്ഞ ദിവസം ആസ്ത്രേല്യ ആറ് വിക്കറ്റിന് ഇംഗ്ലണ്ടിനെ തോല്പിച്ചിരുന്നു. ഈ കളിയുടെ പിറ്റേന്ന് രണ്ട് വനിതാ താരങ്ങള് അവര് താമസിക്കുന്ന റാഡിസണ് ബ്ലൂ ഹോട്ടലില് നിന്നും തൊട്ടടുത്തുള്ള ഒരു കഫേയിലേക്ക് ജോഗിങ്ങ് ചെയ്യുകയായിരുന്നു.
ഇതിനിടെയാണ് ഇവരെ അക്കില് ഖാന് എന്ന യുവാവ് അവരെ ഒളിഞ്ഞുനോക്കുകയും പിന്നീട് ശല്ല്യപ്പെടുത്തുകയും ചെയ്തത്. ഹെല്മെറ്റഅ പോലും ധരിയ്ക്കാതെ, വെള്ള ഷര്ട്ടും കറുത്ത തൊപ്പിയും ധരിച്ച അക്കില് ഖാന് ഈ ആസ്ത്രേല്യന് വനിതാക്രിക്കറ്റ് താരങ്ങളെ ബൈക്കില് പിന്തുടര്ന്ന് തുടര്ച്ചയായി ഉപദ്രവിക്കാന് ശ്രമിക്കുകയായിരുന്നു. ഇതില് ഒരു ക്രിക്കറ്റ് താരത്തെ അക്കില് ഖാന് കടന്ന് പിടിക്കാന് ശ്രമിച്ച ശേഷം രക്ഷപ്പെട്ട് പോവുകയായിരുന്നു. ഇതിലും നിര്ത്തിയില്ല അക്കില് ഖാന്. അല്പനേരത്തിനുള്ളില് വീണ്ടും എത്തി രണ്ടാമത്തെ ക്രിക്കറ്റ് താരത്തേയും കടന്ന് പിടിക്കാന് ശ്രമിച്ച് വീണ്ടും കടന്നുകളഞ്ഞു. അക്കില് ഖാനെ ഈ മോശം പെരുമാറ്റത്ത് രണ്ടു പേരും ചെറുത്തു.
ഉടനെ അവര് അവരുടെ സുരക്ഷാമാനേജര് ഡാനി സിമ്മന്സിന് മൊബൈലിലൂടെ പരാതി അയച്ചു. ഡാനി സിമ്മന്സ് എന്ന സുരക്ഷാ മാനേജര് ഉടനെ കാറുമായെത്തി താരങ്ങളെ കൊണ്ടുപോയി. ഇതിനിടെ പരിസരവാസിയായ ഒരു യുവാവ് ബൈക്കിന്റെ നമ്പര് പ്ലേറ്റ് ശ്രദ്ധിച്ചിരുന്നു. ഇയാള് പൊലീസിനെ വിവരമറിയിച്ചു. അതിനിടെ ഡാനി സിമ്മന്സ് മധ്യപ്രദേശ് ക്രിക്കറ്റ് അസോസിയേഷന്റെ സഹായത്തോടെ ഇന്ഡോര് പൊലീസില് പരാതി നല്കി. ഭാരത് ന്യായ സംഹിതയിലെ 74, 78 വകുപ്പുകള് പ്രകാരം കേസെടുത്തു. സിസിടിവി ദൃശ്യങ്ങളും മറ്റ് തെളിവുകളും ശേഖരിച്ച് 24 മണിക്കൂറിനകം മധ്യപ്രദേശ് പൊലീസ് പ്രതിയെ പൊക്കി. മധ്യപ്രദേശിലെ ഖജ് രാന പ്രദേശത്തെ താമസക്കാരനാണ് അക്കില്ഖാന്.
