ന്യൂദല്ഹി: പ്രേമചന്ദ്രന് എംപി ഇപ്പോള് ഇന്ത്യയിലെയും കേരളത്തിലെയും ഇസ്ലാമിക മതമൗലികവാദ സംഘടനകള്ക്ക് സംഘിയാണ്. ഇക്കഴിഞ്ഞ ദിവസം ഐക്യരാഷ്ട്രസഭയില് പാകിസ്ഥാനെ പഞ്ഞിക്കിട്ട പ്രസംഗം നടത്തിയ ശേഷമാണ് പ്രേമചന്ദ്രന് സംഘിയാണെന്ന വിമര്ശനം വ്യാപകമായി ഉയരുന്നത്.
ഈയിടെ യുഎന്നില് ഇന്ത്യന് പ്രതിനിധിയായി പ്രധാനമന്ത്രി മോദി പ്രേമചന്ദ്രന് എംപിയെ അയച്ചിരുന്നു. ഐക്യരാഷ്ട്രസഭയില് രണ്ടര മിനിറ്റ് നീണ്ട് പ്രസംഗത്തില് പ്രേമചന്ദ്രന് ഇന്ത്യയുടെ നിലപാട് വ്യക്തമാക്കിയിരുന്നു. ഇതില് പാകിസ്ഥാനെ കര്ശനമായ ഭാഷയില് വിമര്ശിക്കുന്ന പ്രേമചന്ദ്രന് പറഞ്ഞ അവസാനത്തെ വാചകമാണ് ഇസ്ലാമിക മതമൗലിക ശക്തികളെ ചൊടിപ്പിച്ചിരിക്കുന്നത്.-‘ജമ്മു കശ്മീര് എല്ലാകാലത്തും ഇന്ത്യയുടെ അവിഭാജ്യ ഘടകമായിരിക്കും’ എന്നതാണ് ഈ വാചകം
ഓപ്പറേഷന് സിന്ദൂറില് ഇന്ത്യന് പട്ടാളവും മോദി സര്ക്കാരും കാണിച്ച തന്റേടത്തെക്കുറിച്ച് പ്രേമചന്ദ്രന് തുറന്നടിച്ച് പ്രസംഗിച്ചിരുന്നു. പ്രേമചന്ദ്രന് മോദിയെ സ്തുതിച്ചതും ഇക്കൂട്ടര്ക്ക് ഇഷ്ടമായിട്ടില്ല. ഇതോടെ മാധ്യമം ദിനപത്രവും മീഡിയവണ്ണും സുപ്രഭാതവും എല്ലാം പ്രേമചന്ദ്രനെ സംഘിയാക്കിയിരിക്കുകയാണ്. “ഇന്ത്യയിലെ കേന്ദ്രഭരണപ്രദേശമായ ജമ്മു കശ്മീരിനെക്കുറിച്ച് നുണകള് പറഞ്ഞ് പാകിസ്ഥാന് യുഎന് എന്ന ഈ മഹനീയസംഘടനയെ തുടര്ച്ചയായി അപമാനിക്കുകയാണ്. ഭീകരവാദത്തെ ഉപയോഗിക്കുന്നതിന്റെ പേരില് ലോകമാകെ അപകീര്ത്തി ഏറ്റുവാങ്ങുന്ന പാകിസ്ഥാന് എന്ന രാഷ്ട്രം ഇന്ത്യയിലെ ജമ്മു കശ്മീരിനെക്കുറിച്ച് നുണ പ്രചരിപ്പിക്കുന്നത് എത്ര വിരോധാഭാസമാണ്. ഇത് ലോകത്തിലെ ഏറ്റവും വലിയ ജനാധിപത്യ രാഷ്ട്രമായി ഇന്ത്യയെക്കുറിച്ച് ലോകത്തിന് സംശയം ജനിപ്പിക്കുകയാണ്. “- യുഎന് പ്രസംഗത്തില് പാകിസ്ഥാനെ തുറന്ന് കാണിച്ച് പ്രേമചന്ദ്രന് പറഞ്ഞു.
പാകിസ്ഥാനെക്കുറിച്ച് പ്രേമചന്ദ്രന് നിര്വ്വചിച്ചത് തന്നെ ഇങ്ങിനെയാണ്:”ഭീകരവാദം, അക്രമം, വഞ്ചന, അസഹിഷ്ണുത, മതമൗലികവാദം എന്നിവയുടെ ഉത്ഭവകേന്ദ്രമാണ് പാകിസ്ഥാന് എന്ന രാജ്യം.”. പഹല്ഗാമില് 26 പേരെ പട്ടാപ്പകല് വെടിവെച്ച് കൊന്ന പാകിസ്ഥാന് ക്രൂരതയെക്കുറിച്ച് പറയാനും പ്രേമചന്ദ്രന് മടിച്ചില്ല:”ഇക്കഴിഞ്ഞ ഏപ്രിലില് ജമ്മു കശ്മീരിലെ പഹല്ഗാമില് 26 ഭീകരവാദികളെ പാകിസ്ഥാനില് പരിശീലനം നേടിയ ഭീകരരാണ് ഇന്ത്യയില് വന്ന് വെടിവെച്ച് കൊന്നത്. ഇത് മനുഷ്യാവകാശലംഘനമാണെന്ന് ചൂണ്ടിക്കാട്ടി ഇന്ത്യ പാകിസ്ഥാനെ താക്കീത് ചെയ്തിരുന്നു.”
പാക് അധീനകശ്മീരില് സ്വാതന്ത്ര്യത്തിന് വേണ്ടി സമരം ചെയ്യുന്ന നിഷ്കളങ്കരായവരെ വെടിവെച്ച് കൊന്ന പാകിസ്ഥാന് സൈന്യത്തെയും പ്രമേചന്ദ്രന് വിമര്ശനവിധേയമാക്കിയിരുന്നു. പാകിസ്ഥാനെക്കുറിച്ച് പ്രേമചന്ദ്രന് പറയുന്ന മറ്റൊരു സത്യം ഇതാണ്:”പാകിസ്ഥാന് എന്ന രാജ്യം തെരഞ്ഞെടുപ്പ് തട്ടിപ്പിന്റെയും സൈനിക ഏകാധിപത്യത്തിന്റെയും മതതീവ്രവാദത്തിന്റെയും ജനാധിപത്യപരമായി തെരഞ്ഞെടുക്കപ്പെട്ട നേതാക്കളെ പീഡിപ്പിക്കുന്നതിന്റെയും റെക്കോഡുള്ള ഒരു രാജ്യമാണ് പാകിസ്ഥാന്.”
ജമ്മു കശ്മീര് എല്ലാകാലത്തും ഇന്ത്യയുടെ അവിഭാജ്യ ഘടകമായിരിക്കും എന്ന് പറഞ്ഞുകൊണ്ടാണ് പ്രേമചന്ദ്രന് പ്രസംഗം അവസാനിപ്പിച്ചത്. ഇതോടെ ഇന്ത്യയിലെയും കേരളത്തിലെയും ഇസ്ലാമിക മതമൗലികവാദസംഘടനകളും നേതാക്കളും പ്രേമചന്ദ്രനെതിരെ തിരിഞ്ഞിരിക്കുകയാണ്. ഇത് ഒരവസരമായി കണ്ട് ഇടത് സംഘടനകളും പ്രേമചന്ദ്രനെ സംഘിയാക്കി മാറ്റിയിരിക്കുകയാണ്. ശബരിമലയില് ബിന്ദു അമ്മണിയെയും രഹ്നഫാത്തിമയെയും ബീഫ് നല്കിയ ശേഷമാണ് മലകയറ്റിയതെന്ന പ്രേമചന്ദ്രന്റെ പ്രസംഗത്തില് കയറിപ്പിടിച്ചാണ് പ്രേമചന്ദ്രനെ ഇടത് സംഘടനകള് സംഘിയാക്കുന്നത്.
