ന്യൂദല്ഹി: ഇന്ത്യയ്ക്കും ചൈനയ്ക്കും ഇടയിലുള്ള യാത്രാ വിമാന സര്വീസുകള് പുനരാരംഭിക്കുന്നതിനെ സ്വാഗതം ചെയ്ത് ഇന്റര്നാഷണല് എയര് ട്രാന്സ്പോര്ട്ട് അസോസിയേഷന് (ഐഎടിഎ).
കോവിഡ് കാരണം 2020 ന്റെ തുടക്കത്തില് താല്ക്കാലികമായി നിര്ത്തിവച്ച സര്വീസുകള് നീണ്ട അതിര്ത്തി സംഘര്ഷങ്ങള്ക്കിടയില് നിലച്ചുപോവുകയായിരുന്നു. മാറിയ സാഹചര്യത്തില് ഒക്ടോബര് 26 ന് ഇന്ഡിഗോ കൊല്ക്കത്തയ്ക്കും ചെങ്ഡുവിനും ഇടയിലും നവംബര് 10 മുതല് ഡല്ഹിക്കും ചെങ്ഡുവിനും ഇടയിലും സര്വീസുകള് ആരംഭിക്കും.
നവംബര് 9 മുതല് ഷാങ്ഹായ്ക്കും ഡല്ഹിക്കും ഇടയില് ആഴ്ചയില് മൂന്ന് സര്വീസുകള് ആരംഭിക്കുമെന്ന് ചൈന ഈസ്റ്റേണ് എയര്ലൈന്സ് പ്രഖ്യാപിച്ചിരുന്നു. എയര്ബസ് എ330 വിമാനങ്ങള് ഉപയോഗിച്ചാണ് ഈ സര്വീസ് നടത്തുക, കൂടാതെ ജപ്പാന്, കൊറിയ, തായ്വാന് എന്നിവിടങ്ങളിലേക്ക് യാത്രക്കാര്ക്ക് കണക്ഷനുകളും ലഭ്യമാകും.
‘നേരിട്ടുള്ള വിമാന സര്വീസുകള് ബിസിനസുകാര്ക്കും വിദ്യാര്ത്ഥികള്ക്കും വിനോദസഞ്ചാരികള്ക്കും യാത്രാ സമയവും ചെലവും കുറയ്ക്കും.
