ലക്നൗ : സൗദിയിലിരുന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥിന്റെ ഫോട്ടോ മോർഫ് ചെയ്ത് സോഷ്യൽ മീഡിയയിൽ പ്രചരിപ്പിച്ച യുവാവ് അറസ്റ്റിൽ . സൗദി അറേബ്യയിൽ ജോലി ചെയ്യുകയായിരുന്ന മുസാഫർനഗർ സ്വദേശി അൽതമാസ് ആണ് അറസ്റ്റിലായത്.
സെപ്റ്റംബർ 28 നാണ് അൽതമാസ് സൗദി മുഖ്യമന്ത്രിയുടെ ഫോട്ടോ എഡിറ്റ് ചെയ്ത് സോഷ്യൽ മീഡിയയിൽ വൈറലാക്കിയത് . കേസ് എടുക്കുമെന്ന് പറഞ്ഞവരോട് താൻ സൗദിയിലാണെന്നും യുപി പൊലീസ് തന്നെ പിടികൂടില്ലെന്നും അൽതമാസ് പറഞ്ഞിരുന്നു. മുസാഫർനഗറിലെ ചാർത്താവൽ പോലീസ് ഇയാൾക്കെതിരെ ഐപിസി 353(2), ഐടി ആക്ട് 66 എന്നീ വകുപ്പുകൾ പ്രകാരം കേസ് രജിസ്റ്റർ ചെയ്യുകയും അറസ്റ്റ് ചെയ്യാനുള്ള ശ്രമങ്ങൾ ആരംഭിക്കുകയും ചെയ്തു.
തുടർന്ന് ഇയാൾ ഇന്നലെ തിരിച്ചെത്തിയപ്പോഴാണ് എയർപോർട്ടിൽ നിന്ന് അൽതമാസിനെ പൊലീസ് പിടികൂടിയത്.കേസിൽ കർശനമായ നിയമനടപടി ഉറപ്പാക്കുന്നുണ്ടെന്ന് സിഒ അറിയിച്ചു
