കൊല്ക്കത്ത: പശ്ചിമ ബംഗാളില് ഒഡീഷസ്വദേശിനിയായ എംബിബിഎസ് വിദ്യാര്ത്ഥിനി കൂട്ടബലാത്സംഗത്തിനിരയായി. ആണ് സുഹൃത്തിനൊപ്പം രാത്രി 8.30 ഓടെ പുറത്തിങ്ങിയ ദുര്ഗാപൂരിലെ ഐക്യു സിറ്റി മെഡിക്കല് കോളേജിലെ വിദ്യാര്ത്ഥിനിയെ കോളേജ് ഗേറ്റിന് സമീപം ചിലര് അവരെ തടഞ്ഞുനിര്ത്തി തട്ടിക്കൊണ്ടുപോവുകയും കൂട്ടബലാത്സംഗം ചെയ്യുകയുമായിരുന്നു. ആണ്സുഹൃത്തിനെ ഭയപ്പെടുത്തി ഓടിച്ചശേഷമാണ് വിദ്യാര്ത്ഥിനിയെ തട്ടിക്കൊണ്ടുപോയത്.
വിദ്യാര്ത്ഥിനിയെ ഗുരുതരാവസ്ഥയില് ദുര്ഗാപൂരിലെ ആശുപത്രിയില് പ്രവേശിപ്പിച്ചിരിക്കയാണ്. അക്രമികള് വിദ്യാര്ത്ഥിനിയുടെ മൊബൈല് ഫോണും 5,000 രൂപയും കൈക്കലാക്കിയെന്ന് പിതാവ് നല്കിയ പരാതിയില് പറയുന്നു.
അന്വേഷണം ആരംഭിച്ചതായും നിരവധി പേരെ ചോദ്യം ചെയ്തതായും പൊലീസ് ഉദ്യോഗസ്ഥര് പറഞ്ഞു. ആരെയും അറസ്റ്റ് ചെയ്തിട്ടില്ല.
