ജലന്ധര്: ഹൃദയാഘാതത്തെ തുടര്ന്ന് പഞ്ചാബി ബോഡി ബില്ഡറും നടനും ആരോഗ്യ ഉത്പന്നങ്ങളുടെ മോഡലുമായ വരീന്ദര് സിംഗ് ഗുമാന്റെ 47 ാം വയസ്സിലെ അന്ത്യം ലോകമെമ്പാടുമുള്ള ശരീരസൗന്ദര്യാരാധകരെ കുറച്ചൊന്നുമല്ല
ഞെട്ടിച്ചത്. ‘ടൈഗര് 3’ ല് സല്മാന് ഖാനുമൊത്ത് അഭിനയിച്ച നടന് തന്റെ അസാധാരണമായ ശരീരഘടന കൊണ്ടാണ് ഏറെ ശ്രദ്ധിക്കപ്പട്ടത്. ലോകത്തിലെ ആദ്യത്തെ വെജിറ്റേറിയന് പ്രൊഫഷണല് ബോഡിബില്ഡറായിരുന്നു അദ്ദേഹം. മാത്രമല്ല, ഐഎഫ്ബിബി പ്രോ കാര്ഡ് നേടിയ ആദ്യ ഇന്ത്യക്കാരനുമാണ്. ആര്നോള്ഡ് ഷ്വാസ്നെഗറിന്റെ ശ്രദ്ധ പിടിച്ചുപറ്റിയതോടെ അദ്ദേഹത്തിന്റെ പ്രശസ്തി വാനോളമുയര്ന്നു.
പഞ്ചാബിലെ ഗുരുദാസ്പൂരില് ജനിച്ച വരീന്ദര്, ഫിറ്റ്നസ്, ബോഡിബില്ഡിംഗ് മേഖലകളിലെ പ്രവര്ത്തനങ്ങളിലൂടെയാണ് പ്രശസ്തിയിലേക്ക് ഉയര്ന്നത്.
2012 ല് ‘കബഡി വണ്സ് എഗെയ്ന്’ എന്ന ചിത്രത്തിലൂടെ സിനിമയില്
അരങ്ങേറ്റം കുറിച്ച വരീന്ദര്, ‘റോര്: ടൈഗേഴ്സ് ഓഫ് ദി സുന്ദര്ബന്സ്’ (2014), ‘മര്ജാവാന്’ (2019), ‘ടൈഗര് 3’ (2023) എന്നിവയുള്പ്പെടെയുള്ള ഹിന്ദി സിനിമകളില് അഭിനയിച്ചു.
