കോട്ടയം : വഞ്ചിനാട് എക്സ്പ്രസിന് ഏറ്റുമാനൂര് റെയില്വേ സ്റ്റേഷനില് സ്റ്റോപ്പ് അനുവദിക്കണമെന്നാവശ്യപ്പെട്ട് കേന്ദ്ര മന്ത്രി ജോര്ജ് കുര്യന് നിവേദനം നല്കി. ഇക്കാര്യം പരിഗണനയിലുണ്ടെന്നും അടിയന്തിര ഇടപെടല് നടത്തുമെന്നും കേന്ദ്രമന്ത്രി ഉറപ്പ് നല്കി. ഫ്രണ്ട്സ് ഓണ് റെയില്സും, ഏറ്റുമാനൂര് മുന്സിപ്പാലിറ്റി കൗണ്സിലര് ഉഷാ സുരേഷ്, ബിജെപി ജില്ലാ ട്രഷറര് ശ്രീജിത്ത് കൃഷ്ണന്, ജില്ലാ ജനറല് സെക്രട്ടറി ലാല് കൃഷ്ണ, ജില്ലാ സെക്രട്ടറി സുഭാഷ് എന്നിവരുടെ നേതൃത്വത്തിലാണ് നിവേദനം നല്കിയത്. ഏറ്റുമാനൂരിലെയും പാലായിലേയും പരിസര പഞ്ചായത്തിലെയും നിരവധി യാത്രക്കാര് ഓഫീസ്, ആശുപത്രി ആവശ്യങ്ങള്ക്കായി പുലര്ച്ചെ കോട്ടയം റെയില്വേ സ്റ്റേഷനിലെത്തിയാണ് തിരുവനന്തപുരത്തേയ്ക്ക് ഇപ്പോള് യാത്ര ചെയ്യുന്നത്. എം ജി യൂണിവേഴ്സിറ്റി, മെഡിക്കല് കോളേജ്, ഐസി.എച്ച്, ഐടിഐ, ബ്രില്യന്റ് കോളേജ് അടക്കം നിരവധി വിദ്യാഭ്യാസ സ്ഥാപനങ്ങള്, ആശുപത്രികള്, സര്ക്കാര് അര്ദ്ധ സര്ക്കാര് സ്വകാര്യ സ്ഥാപനങ്ങള്, ഇന്ഡസ്ട്രിയല് എസ്റ്റേറ്റ് നിരവധി വ്യവസായിക സ്ഥാപനങ്ങള്, ഏറ്റുമാനൂര് ക്ഷേത്രം, ചാവാറ മ്യൂസിയം, അല്ഫോന്സാ തീര്ത്ഥാടന കേന്ദ്രം, അതിരമ്പുഴ പള്ളി പോലുള്ള തീര്ത്ഥാടനകേന്ദ്രങ്ങള് ഏറ്റുമാനൂര് സ്റ്റേഷന്റെ പ്രാധാന്യം വര്ദ്ധിപ്പിക്കുന്നു.
പുലര്ച്ചെ തിരുവനന്തപുരം ഭാഗത്തേയ്ക്ക് കോട്ടയത്ത് നിന്ന് കയറുന്നതില് സിംഹഭാഗം യാത്രക്കാരും ഏറ്റുമാനൂര് സ്റ്റേഷന് കടന്നാണ് പോകുന്നത്. കോട്ടയത്ത് സ്ഥിരയാത്രക്കാര് നേരിടുന്ന പാര്ക്കിംഗ് അടക്കമുള്ള അസൗകര്യങ്ങള്ക്ക് ഏറ്റുമാനൂരില് വഞ്ചിനാടിന് സ്റ്റോപ്പ് അനുവദിക്കുന്നതിലൂടെ പരിഹാരമാകുമെന്നും നിവേദനത്തില് ചൂണ്ടിക്കാട്ടുന്നു.
വഞ്ചിനാട് എക്സ്പ്രസിന് ഏറ്റുമാനൂരില് സ്റ്റോപ്പ് വേണമെന്നാവശ്യപ്പെട്ട് കേന്ദ്ര മന്ത്രി ജോര്ജ് കുര്യന് നിവേദനം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.