തിരുവനന്തപുരം: നിയമസഭയില് പ്രതിപക്ഷ പ്രതിഷേധത്തിനിടെ വാച്ച് ആന്ഡ് വാര്ഡിനെ മര്ദിച്ച സംഭവത്തില് മൂന്ന് എംഎല്എമാരെയാണ് സസ്പന്ഡ് ചെയ്തത്. റോജി എം ജോണ്, എം വിന്സന്റ്, സനീഷ് കുമാര് ജോസഫ് എന്നിവര്ക്കാണ് സസ്പന്ഷന്. പാര്ലമെന്ററികാര്യ മന്ത്രി എം ബി രാജേഷ് അവതരിപ്പിച്ച പ്രമേയം സ്പീക്കര് അംഗീകരിക്കുകയായിരുന്നു.
പ്രതിപക്ഷ പ്രതിഷേധം അതിരുകടന്നെന്നാണ് എം ബി രാജേഷ് നിയമസഭയില് പറഞ്ഞത്. പരിക്കേറ്റ നിയമസഭാ ചീഫ് മാര്ഷല് ഷിബുവിന് ശസ്ത്രക്രിയ വേണമെന്നും മന്ത്രി നിയമസഭയില് പറഞ്ഞു.
സുരക്ഷാ ചുമതലയുള്ള ചീഫ് മാര്ഷലിനെ ആക്രമിച്ച റോജി എം ജോണ്, എം വിന്സന്റ് , സനീഷ് കുമാര് ജോസഫ് എന്നിവരെ സസ്പെന്റ് ചെയ്യണമെന്ന് എം ബി രാജേഷ് പ്രമേയം അവതരിപ്പിച്ചു. പ്രമേയം സ്പീക്കര് അംഗീകരിച്ചു.അതേസമയം, പ്രതിപക്ഷ പ്രതിഷേധത്തിനിടെ കൈയ്ക്ക് ഗുരുതര പരിക്കേറ്റ ചീഫ് മാര്ഷലിനെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചു.
അതിനിടെ,ശബരിമലയിലെ സ്വര്ണ മോഷണ വിവാദത്തില് തുടര്ച്ചയായി നാലാം ദിവസവും നിയമസഭ പ്രതിപക്ഷം സ്തംഭിപ്പിച്ചു. ദേവസ്വം മന്ത്രി വി എന് വാസവന്റെ രാജി ആവശ്യപ്പെട്ടാണ് പ്രതിപക്ഷ പ്രതിഷേധം. ദ്വാരപാലക ശില്പ്പങ്ങള് കോടീശ്വരന് വിറ്റഴിച്ചവര്ക്കെതിരെ നടപടി സ്വീകരിക്കുംവരെ സമരം പ്രഖ്യാപിച്ച് പ്രതിപക്ഷം സഭ ബഹിഷ്കരിച്ചു.
എന്നാല് പ്രതിപക്ഷ നേതാവ് ഗുണ്ടാനേതാവിനെപ്പോലെ പെരുമാറുകയാണെന്ന് മന്ത്രി എം ബി രാജേഷ് പറഞ്ഞു. രാജിയില്ലെന്ന് ദേവസ്വം മന്ത്രിയും പറഞ്ഞു.
