ബിഗ് ബോസ് മലയാളം സീസണ് 7ന് ആവേശം നിറച്ച് ട്വിസ്റ്റുകളും സർപ്രൈസുകളും. ഇന്ന് നടന്ന ഒരു സീക്രട്ട് ടാസ്കിനിടെ സീസൺ ഒന്നിലെ വിജയി സാബുമോന് അബ്ദുസമദിന്റെ മാസ് എൻട്രി. സീക്രട്ട് ടാസ്ക് ചെയ്ത ആര്യനും സംഘത്തിനും അടക്കം സര്പ്രൈസ് ആയിരുന്നു ഇത്. ഈ എന്ട്രി മത്സരാര്ഥികളെയും പ്രേക്ഷകരെയും ഒരുപോലെ തന്നെ അമ്പരപ്പിച്ചു.
ഇന്ന് ഡാന്സ് മാരത്തോണ് ടാസ്കില് വിജയിയായ ആര്യനെയാണ് ഒരു സീക്രട്ട് ടാസ്ക് ഏല്പ്പിക്കാനായി ബിഗ് ബോസ് തെരഞ്ഞെടുത്തത്. ബിഗ് ബോസ് അറിയിക്കുന്നത് പ്രകാരം ഒളിപ്പിച്ചുവച്ച ഭക്ഷണപദാര്ഥങ്ങള് ആരും കാണാതെ കഴിക്കണം എന്നതായിരുന്നു സീക്രട്ട് ടാസ്ക്. പല റൗണ്ടുകളിലായി നടന്ന .
ടാസ്കില് വേണ്ടത്ര സംഘാംഗങ്ങളെ ഓരോ ഘട്ടത്തിലും ആര്യന് കണ്ടെത്തണമെന്നായിരുന്നു
അക്ബര്, സാബുമാന്, ലക്ഷ്മി, ബിന്നി എന്നിവർ ടാസ്കിന്റെ ഭാഗമായി. എന്നാല് ഷാനവാസിനെ ദൗത്യത്തിലേക്ക് ക്ഷണിച്ചത് പാരയായി. ഗെയിം മനസിലാവാതിരുന്ന ഷാനവാസ് സമയം നീങ്ങവെ ഗെയിം പൊളിച്ചു. ഇതോടെ മൂന്ന് റൗണ്ടുകള് ജയിച്ച് മുന്നേറിയ ആര്യനും ടീമിനും നാലാമത്തെ റൗണ്ടില് ഒളിപ്പിച്ചുവച്ച ഭക്ഷണം കഴിക്കുന്നതിനോടൊപ്പം ഒരു മനുഷ്യനെയും ഒളിപ്പിക്കേണ്ടി വന്നു.
ബിബി വീട്ടിലെ ആക്റ്റിവിറ്റി ഏരിയയിലാണ് ബിരിയാണിക്കൊപ്പം മുഖം മറച്ച ഒരാളെ നിർത്തിയിരുന്നത്. ആര്യനും അക്ബറും ചേര്ന്ന് ആര്യന്റെ വസ്ത്രം ധരിപ്പിച്ച് ഇയാളെ ആദ്യം സ്മോക്കിംഗ് ഏരിയയില് കൊണ്ടുനിര്ത്തി. ഏന്നാല് ഏറെ നേരം ഒരേ സ്ഥലത്ത് അയാളെ നിര്ത്താനാവില്ലെന്ന് ബിഗ് ബോസ് പറഞ്ഞു. ഇതോടെ അക്ബര് അയാളെ വാഷ്റൂമിലേക്ക് കൊണ്ടുപോയി. എന്നാല് അനുമോള് ഇത് കാണുന്നുണ്ടായിരുന്നു.
അയാള് വാഷ്റൂമില് കയറി വാതില് അടച്ചതിന് പിന്നാലെ അനുമോള് ആദിലയ്ക്കൊപ്പം വാഷ്റൂമിന് പുറത്തെത്തി. അവിടെ ഇരിപ്പ് ഉറപ്പിച്ചു. പിന്നാലെ ഷാനവാസും നൂറയും അവിടേയ്ക്ക് എത്തി. അങ്ങനെ ഗത്യന്തരമില്ലാതെ ഉള്ളിലൊളിച്ച ആള്ക്ക് പുറത്തേക്ക് ഇറങ്ങേണ്ടിവന്നു. ഷാനവാസും ആദിലയും നൂറയും അനുമോളും ചേര്ന്ന് ഇയാളുടെ മുഖംമൂടി മാറ്റി മുഖം കാണാൻ ശ്രമിച്ചു.
ഇതോടെ സാബുമോനെ കണ്ട് എല്ലാവരും ഞെട്ടി.
എന്തായാലും സീസൺ 1ലെ വിജയിയുടെ വരവ് ബിഗ് ബോസ് വീട്ടിൽ എന്തൊക്കെ മാറ്റങ്ങൾ ഉണ്ടാക്കുമെന്ന് കണ്ടറിയാം.
