ന്യൂയോര്ക്ക്: ന്യൂയോര്ക്കില് മേയര് സ്ഥാനാര്ത്ഥി മത്സരത്തില് മുന്നില് നില്ക്കുന്ന സൊഹ്റാന് മംദാനി രാഹുല് ഗാന്ധിയുടെ ഈച്ചക്കോപ്പിയെന്ന് ആരോപണം. സ്ഥാനാര്ത്ഥി പ്രചരണത്തിനിടയില് മുഴുവന് മുസ്ലീം പ്രീണനവുമായി അരങ്ങ് തകര്ക്കുകയായിരുന്നു മംദാനി. കഫിയ ധരിച്ച് പലസ്തീന് വേണ്ടി വാദിക്കുക, ഇസ്രയേല് വിരുദ്ധ റാലികള് നടത്തുക എന്നിവയിലൂടെ കടുത്ത മുസ്ലിം പ്രീണനം നടത്തുകയായിരുന്നു കമ്മ്യൂണിസ്റ്റ് എന്ന് വിളിക്കപ്പെട്ടിരുന്ന സൊഹ്റാന് മംദാനി. ന്യൂയോര്ക്കില് കാലുകുത്തിയാല് നെതന്യാഹുവിനെ അറസ്റ്റ് ചെയ്യും എന്ന് വരെ മുസ്ലിങ്ങളുടെ കയ്യടികിട്ടാന് മംദാനി പ്രസംഗിച്ചിരുന്നു. ഇതോടെ ന്യൂയോര്ക്കിലെ മേയര് തെരഞ്ഞെടുപ്പിന്റെ ആദ്യറൗണ്ടുകള് പിന്നിടുമ്പോള് മുന്പന്തിയിലാണ് മംദാനി.
ഏകദേശം ഇന്ത്യയില് രാഹുല് ഗാന്ധി നടത്തുന്ന അതേ രീതിയാണ് സൊഹ്റാന് മംദാനി പിന്തുടരുന്നതെന്ന് പലരും ചൂണ്ടിക്കാട്ടിയിരുന്നു. രാഹുല് ഗാന്ധിയുടെ ജീവിതത്തിലുടനീളം മുസ്ലിം പ്രീണനം നടത്തിക്കൊണ്ടിരിക്കുകയായിരുന്നു. ദര്ഗ്ഗകളിലും മോസ്കുകളിലും മുസ്ലിം തൊപ്പി ധരിച്ച് സന്ദര്ശിക്കുന്ന രാഹുല് ഗാന്ധിയുടെ ഫോട്ടോകള് വര്ഷം മുഴുവന് ധാരാളമായി കാണാനാവും.
ഹിന്ദുക്കളെ ബസ്റ്റാഡുകള് എന്ന് വിളിച്ച വ്യക്തി കൂടിയാണ് മംദാനി. ശ്രീരാമദേവനെയും അധിക്ഷേപിച്ചിരുന്നു. പക്ഷെ തെരഞ്ഞെടുപ്പ് അവസാനലാപ്പിലേക്ക് കടന്നതോടെ മംദാനി മറ്റൊരു അടവ് എടുത്തിരിക്കുകയാണ്. ന്യൂയോര്ക്കിലെ രണ്ട് ക്ഷേത്രങ്ങള് അദ്ദേഹം സന്ദര്ശിച്ചു. തന്റെ ഹിന്ദു വേരുകള് മറക്കാനാകില്ലെന്നാണ് സൊഹ്റാന് മംദാനി പറഞ്ഞത്. ഇന്ത്യയിലെ ചലച്ചിത്ര സംവിധായിക മീര നായരാണ് മംദാനിയുടെ അമ്മ. പിതാവ് മൊഹമ്മദ് മഹ്മൂദ് മുസ്ലിമാണ്. നവമ്പര് നാലിനാണ് തെരഞ്ഞെടുപ്പ്. അതിനു മുന്പ് ഹിന്ദുവോട്ടുകള് കൂടി പോക്കറ്റിലാക്കണം.
രാഹുല് ഗാന്ധിയും ഇതേ തന്ത്രമാണ് ഇന്ത്യയില് ആവിഷ്കരിക്കുന്നത്. വര്ഷം മുഴുവന് ന്യൂനപക്ഷങ്ങള്ക്ക് വേണ്ടി ശബ്ദമുയര്ത്തിയശേഷം തെരഞ്ഞെടുപ്പ് നാളുകളായാല് വാരണാസിയിലെയും മറ്റും ക്ഷേത്രങ്ങളും സന്ദര്ശിക്കും. ഇതുവഴി കുറച്ച് ഹിന്ദുവോട്ടുകള് കൂടി പോക്കറ്റിലാക്കുക തന്നെ ലക്ഷ്യം. രാഹുല് ഗാന്ധിയുടെ അതേ ലൈന് പിന്തുടരുന്ന സൊഹ്റാന് മംദാനി രാഹുല് ഗാന്ധിക്ക് പഠിക്കുകയാണെന്നും ചിലര് പരിഹസിക്കുന്നു.
