പത്തനംതിട്ട: ദേവസ്വം ഓഫീസിലേക്ക് യൂത്ത് കോണ്ഗ്രസ് പ്രവര്ത്തകര് മാര്ച്ച് നടത്തിയ സംഭവത്തില് കേസെടുത്ത് പോലീസ്. സന്ദീപ് വാര്യര്, യൂത്ത് കോണ്ഗ്രസ് ജില്ലാ പ്രസിഡന്റ് വിജയ് ഇന്ദുചൂഡന് എന്നിവരുള്പ്പെടെ 17പേര്ക്കെതിരെ ജാമ്യമില്ലാ വകുപ്പ് പ്രകാരമാണ് കേസെടുത്തത്.
ശബരിമല സ്വര്ണപ്പാളി വിഷയവുമായി ബന്ധപ്പെട്ടായിരുന്നു യൂത്ത് കോണ്ഗ്രസ് പ്രവര്ത്തകര് പത്തനംതിട്ട ദേവസ്വം ബോര്ഡ് ഓഫീസിലേക്ക് മാര്ച്ച് നടത്തിയത്. പ്രതിഷേധക്കാര് ബാരിക്കേഡ് മറികടന്നത് ദേവസ്വം ബോര്ഡ് ഡെപ്യൂട്ടി കമ്മിഷണര് ഓഫീസിന് മുമ്പിലെത്തി. ഓഫീസിന് മുമ്പില് തേങ്ങയുടച്ച് പ്രതിഷേധിക്കുമെന്നായിരുന്നു നേരത്തെ അറിയിച്ചിരുന്നത്. എന്നാല്, തേങ്ങ ഓഫീസിനുനേരെ വലിച്ചെറിയുകയായിരുന്നു. കൈയില് കരുതിയ തേങ്ങ തീര്ന്നതോടെ റോഡില്നിന്ന് കല്ലുപെറുക്കി എറിഞ്ഞു.
പോലീസും പ്രവര്ത്തകരും തമ്മില് ഉന്തും തള്ളുമുണ്ടായി.ലാത്തികൊണ്ട് പോലീസ് തന്നെ കുത്തുകയും അടിക്കുകയും ചെയ്തതായി സന്ദീപ് വാര്യര് ആരോപിച്ചു.
