തിരുവനന്തപുരം: ഡിവൈഎഫ് ഐ സമരത്തിന്റെ പേരില് പ്രതിയായ മുഹമ്മദ് റിയാസിനെതിരെ വാറണ്ടുണ്ടെങ്കിലും പൊലീസ് കോടതിയില് നല്കുന്നത് ടൂറിസം മന്ത്രി റിയാസിന്റെ കണ്ടുകിട്ടാനില്ലെന്ന റിപ്പോര്ട്ട്. മുന് എംഎല്എ സി.കെ. ശശീന്ദ്രനെ പല തവണ വീട്ടില്പോയെങ്കിലും കണ്ടെത്താനായില്ലെന്ന് മറ്റൊരു പൊലീസ് റിപ്പോര്ട്ട്. രാഷ്ട്രീയക്കാരായ പ്രതികളെ രാഷ്ട്രീയ കേസുകളില് സുരക്ഷിതരാക്കി നല്കുന്ന പൊലീസ് റിപ്പോര്ട്ടിനെതിരെ ഇപ്പോള് ശക്തമായി പ്രതികരിച്ച് ഹൈക്കോടതി.
രാഷ്ട്രീയ നേതാക്കള്ക്കെതിരായ കേസുകള് കെട്ടിക്കിടക്കുന്നതില് ഹൈക്കോടതി കഴിഞ്ഞ ദിവസം ആശങ്ക പ്രകടിപ്പിച്ചു. പത്ത് വര്ഷത്തിലേറെയായി കെട്ടിക്കിടക്കുന്ന കേസുകളില് സമന്സ് നടപടികള് വേഗത്തില് അയക്കാന് ആവശ്യപ്പെട്ടിരിക്കുകയാണ് ഹൈക്കോടതി.
സമരങ്ങളില് പങ്കെടുത്തതിനും മറ്റുമായി എംപിമാര്, എംഎല്എമാര് എന്നിവര്ക്കെതിരായി ഏകദേശം 391 കേസുകളാണ് സംസ്ഥാനത്തിലുടനീളം വിവിധ കോടതികളിലായി കെട്ടിക്കിടക്കുന്നത്. ഇതില് 59 കേസുകള് ഇഴഞ്ഞുനീങ്ങുന്നു. രാഷ്ട്രീയ നേതാക്കളെ തൊടാന് ഭയപ്പെടുകയാണ് പൊലീസെന്ന് പരാതി ഉയരുകയാണ്. 55 കേസുകളില് വാറണ്ട് അയച്ചെങ്കിലും പൊലീസ് 2 എണ്ണം മാത്രമാണ് നടപ്പാക്കിയത്. പ്രതികളുടെ മരണം, പ്രതികള് ഒളിവിലായത്, ഹൈക്കോടതി സ്റ്റേ എന്നിവ മൂലം പത്തെണ്ണം നടപ്പാക്കിയില്ല. ബാക്കിയുള്ളവയുടെ സ്ഥിതി എന്തെന്ന് അറിയില്ല.
മുന് എംഎല്എ സി.കെ. ശശീന്ദ്രന്റെ പേരില് വാറണ്ടുണ്ടെങ്കിലും അത് നടപ്പാക്കിയിട്ടില്ല. നിരവധി തവണ ഇദ്ദേഹത്തിന്റെ വീട്ടില്പോയെങ്കിലും കണ്ടെത്താനായില്ല എന്നാണ് പൊലീസ് റിപ്പോര്ട്ട്.
