കോഴിക്കോട്: മലപ്പുറം സ്വദേശിനി ആറുവയസുകാരിക്ക് അമീബിക് മസ്തിഷ്ക ജ്വരം സ്ഥിരീകരിച്ചു. ശനിയാഴ്ചയാണ് കോഴിക്കോട് മെഡിക്കല് കോളേജ് ആശുപത്രിയില് കുട്ടിയെ പ്രവേശിപ്പിച്ചത്.
രോഗം ബാധിച്ച് ആശുപത്രിയിലുള്ള കുട്ടികളുടെ എണ്ണം രണ്ടായി.കെട്ടിക്കിടക്കുന്നതോ മലിനമായതോ ആയ വെള്ളത്തില് അമീബകള് കാണപ്പെടുന്നു.ഈ വെള്ളം മൂക്കിലൂടെ ശരീരത്തില് പ്രവേശിക്കുമ്പോഴാണ് രോഗം ബാധിക്കുന്നത്.
നീന്തല്, വെള്ളത്തില് മുങ്ങിക്കുളിക്കുക, ഓസ് ഉപയോഗിച്ച് മൂക്കില് വെള്ളം ചീറ്റല് തുടങ്ങിയ സന്ദര്ഭങ്ങളില് ഇത് സംഭവിക്കാം. മൂക്കിലൂടെ പ്രവേശിക്കുന്ന അമീബ തലച്ചോറിലെത്തി അവിടെ വീക്കം ഉണ്ടാക്കി കോശങ്ങളെ നശിപ്പിക്കുന്നു.
