ന്യൂദല്ഹി: സി എം ആര് എല് – എക്സാലോജിക് മാസപ്പടി കേസില് മാത്യു കുഴന്നാടന് എം എല് എയുടെ നിര്ണായക നീക്കം.മാത്യു കുഴന്നാടന് സുപ്രീം കോടതിയില് അപ്പീല് സമര്പ്പിച്ചു.
സി എം ആര് എല് – എക്സാലോജിക് ഇടപാടില് വിജിലന്സ് അന്വേഷണം ആവശ്യപ്പെട്ടാണ് കോണ്ഗ്രസ് എം എല് എ ആയ മാത്യു കുഴന്നാടന് സുപ്രീം കോടതിയില് അപ്പീല് നല്കിയത്. വിജിലന്സ് അന്വേഷണ ആവശ്യം നേരത്തേ ഹൈക്കോടതി തള്ളിയിരുന്നു.
ഈ ഉത്തരവിനെതിരെയാണ് കുഴല്നാടന് അപ്പീല് നല്കിയത്. കേസ് തിങ്കളാഴ്ച സുപ്രീം കോടതി പരിഗണിക്കും.
ശശിധരന് കര്ത്തായുടെ ഉടമസ്ഥതയിലുളള സി എം ആര് എല് കമ്പനി മുഖ്യമന്ത്രിയുടെ മകള് വീണയുടെ എക്സാലോജിക് കമ്പനിക്ക് പ്രതിഫലം നല്കിയത് സേവനം സ്വീകരിക്കാതെയാണെന്നാണ് ആരോപണം. ഇത് കോഴ ആണെന്നാണ് വിമര്ശനം.
