തിരുവനന്തപുരം: ഭാരതാംബയെ സംരക്ഷിക്കുക, ജനങ്ങളെ രാജ്യത്തിന്റെ സംരക്ഷണയില് നിര്ത്തുക, രാജ്യവിരുദ്ധ ശക്തികളെ ചെറുത്ത് തോല്പ്പിക്കുക എന്ന സന്ദേശം കൊടുക്കുന്ന പ്രസ്ഥാനമാണ് ആര്എസ്എസ്.
അതിനാല് ജന്മഭൂമിയുടെ സംരക്ഷണത്തിനായി ഭാരതത്തിലെ മുഴുവന് ജനങ്ങളും ആര്എസ്എസിനു പിന്നില് അണിനിരക്കണം. ആര്എസ്എസ് പ്രവര്ത്തനമാരംഭിച്ചത് തന്നെ രാഷ്ട്ര സേവനത്തിനായാണ്. രൂപീകൃതമായതു മുതല് ഇന്നുവരെ ഈ കുടക്കീഴില് അണിനിരക്കുന്നവരെയെല്ലാം ഒരുമിപ്പിക്കുന്ന ഘടകം ദേശഭക്തിയാണ്.
നമ്മുടെ മാതാവായ ഭാരതാംബയെ സംരക്ഷിക്കാനും മാതാവിന് വേണ്ടി ജീവന് തന്നെ ബലിയര്പ്പിക്കാനും പഠിപ്പിക്കുന്നു. കുട്ടികളെയും യുവതീയുവാക്കളെയും ശാരീരികമായും മാനസികമായും ശക്തരാക്കുക വഴി നമ്മുടെ രാജ്യത്തിനും നമുക്കെതിരെയും ഉണ്ടാകുന്ന ആക്രമണങ്ങളെ ഫലപ്രദമായി പ്രതിരോധിക്കാനും അതുവഴി നമ്മുടെ രാഷ്ട്രത്തിന്റെ മഹിമ എപ്പോഴും ഉയര്ത്തിപ്പിടിക്കാനും കഴിയും. അതിന് വേണ്ടിയുള്ള പരീശീലനം ആര്എസ്എസ് ഒരു നൂറ്റാണ്ടായി നല്കികൊണ്ടിരിക്കുകയാണ്.
