കൊച്ചി : ഒക്ടോബര് 1,2 തീയതികളിലായി എറണാകുളം ജില്ലയില് 122 സ്ഥലത്ത് വിജയദശമി സാംഘിക്കും. 100 ഇടങ്ങളില് പൂര്ണ ഗണവേഷധാരികളായ സ്വയംസേവകരുടെ പഥസഞ്ചലനവും നടക്കും. മുന് ഡി ജി പി ജേക്കബ് തോമസ്, പ്രശസ്ത ചുവര് ചിത്ര കലാകാരന് രാജേന്ദ്രന് കര്ത്താ, വടക്കര സെന്റ് ജോണ്സ് യാക്കോബായ സുറിയാനി പള്ളി വികാരി റഫ: ഫാദര് പോള് തോമസ്, പ്രശസ്ത ഡോക്ടര് ഡോ.ചിത്രതാര, സംവിധായകനും നടനുമായ രൂപേഷ് പീതാംബരന്, ചിന്മയ വിശ്വ വിദ്യാപീഠം ഡെപ്യൂട്ടി ഡീന് ഡോ.മഞ്ജുള ആര്. അയ്യര്, അസി. കമാന്ഡന്റ് സുരേന്ദ്രനാഥ് മേനോന്, റിട്ട കസ്റ്റംസ് കമ്മീഷണര് കെ എന്.രാഘവന് തുടങ്ങി സമൂഹത്തിലെ വ്യത്യസ്ത മേഖലകളിലെ പ്രമുഖര് പൊതു പരിപാടിയുടെ അധ്യക്ഷരാകും.
ആര്എസ്എസ് അഖില ഭാരതീയ സഹ ശാരീരിക് ശിക്ഷണ് പ്രമുഖ് ഒ കെ മോഹനന്, മുന് അഖില ഭാരതീയ കാര്യകരി സദസ്യന് എസ്.സേതുമാധവന്, പ്രജ്ഞാ പ്രവാഹ് ദേശീയ സംയോജക് ജെ.നന്ദകുമാര്, ദക്ഷിണ ക്ഷേത്ര വ്യവസ്ഥ പ്രമുഖ് കെ.വേണു തുടങ്ങിയവര് വിവിധ പരിപാടികളില് ബൗദ്ധിക് നടത്തും. കേരളത്തിലെ സംഘപ്രവര്ത്തന വികാസ ചരിത്രം വിവരിക്കുന്ന രാഷ്ട്രീയ സ്വയംസേവക സംഘം കേരളത്തില് എന്ന പുസ്തകത്തിന്റെ ആദ്യ ഭാഗം പരിപാടികളില് പ്രകാശനം ചെയ്യും.ശതാബ്ദി പരിപാടികളുടെ ഭാഗമായി നടക്കുന്ന ഹര് ഘര് സമ്പര്ക്ക് എന്ന മഹാ സമ്പര്ക്ക യജ്ഞത്തിന് 2025 ഒക്ടോബര് 5ന് സ്ഥാനീയ തലത്തില് തുടക്കം കുറിക്കും.
