കോഴിക്കോട് : മുഖ്യമന്ത്രിയുടെ സി എം വിത്ത് മീ പരിപാടിയെ വിമര്ശിച്ച് പി വി അന്വര്. തിരഞ്ഞെടുപ്പിന്റെ ഭാഗമായാണ് സി എം വിത്ത് മീ പരിപാടിയെന്ന് അന്വര് പറഞ്ഞു.
ഇതുവരെ മുഖ്യമന്ത്രിക്ക് ജനങ്ങളെ കാണുമ്പോള് അലര്ജിയായിരുന്നെന്നും അദ്ദേഹം ചൂണ്ടിക്കാട്ടി.
തദ്ദേശ തെരഞ്ഞെടുപ്പില് കോഴിക്കോട് കോര്പ്പറേഷനില് ഉള്പ്പെടെ ടിഎംസി സ്ഥാനാര്ഥിയെ നിര്ത്തും. ഒരു മുന്നണിയുമായും ഇതു വരെ ചര്ച്ച നടത്തിയിട്ടില്ല. പിണറായിസത്തിന്റെ അവസാനത്തിന് തുടക്കം കുറിക്കുന്നതായിരിക്കും തദ്ദേശ തെരഞ്ഞെടുപ്പെന്നും അന്വര് പറഞ്ഞു.
എല് ഡി എഫിന്റെ പലസ്തീന് ഐക്യദാര്ഡ്യ സംഗമത്തില് വെള്ളാപ്പള്ളിയെ പങ്കെടുപ്പിക്കണമെന്നും പറ്റുമെങ്കില് യോഗിയുടെ സന്ദേശം കൂടി വായിക്കണമെന്നും പി വി അന്വര് പരിഹസിച്ചു.സംസ്ഥാന സര്ക്കാര് പിന്തുണയോടെ തിരുവിതാംകൂര് ദേവസ്വം ബോര്ഡ് പമ്പയില് ആഗോള അയ്യപ്പ സംഗമം സംഘടിപ്പിച്ചത് കൂടി മനസില് വച്ചാണ് അന്വറിന്റെ പ്രതികരണം.
