ന്യൂദല്ഹി: പാക് ഭീകരര് 2008ല് നടത്തിയ 166 പേര് കൊല്ലപ്പെട്ട മുംബൈ ഭീകരാക്രമണത്തില് പാകിസ്ഥാനെതിരെ തിരിച്ചടിക്കാതിരുന്നത് അത് മോശം തീരുമാനമായിരിക്കുമെന്ന് വിദേശകാര്യമന്ത്രാലയം ഉപദേശിച്ചതിനാലാണെന്ന് കോണ്ഗ്രസ് നേതാവ് പി. ചിദംബരത്തിന്റെ വെളിപ്പെടുത്തല്.
2008ല് കോണ്ഗ്രസ് ഇന്ത്യ ഭരിയ്ക്കുമ്പോഴാണ് മുംബൈയില് പാക് തീവ്രവാദികള് ഭീകരാക്രമണം നടത്തിയത്. 166 പേര് അന്ന് കൊല്ലപ്പെട്ടു. പഹല് ഗാമില് 16 ഇന്ത്യക്കാരെ കൊലചെയ്തതിന്റെ പേരിലാണ് ഓപ്പറേഷന് സിന്ദൂര് എന്ന പേരില് ഇന്ത്യ പാകിസ്ഥാനെ ആക്രമിച്ചത്. ഓപ്പറേഷന് സിന്ദൂറിന്റെ പശ്ചാത്തലത്തില് അന്ന് എന്തുകൊണ്ട് ഇത്രയധികം പേര് കൊല്ലപ്പെട്ട ഭീകരാക്രമണത്തില് ഇന്ത്യ തിരിച്ചടിച്ചില്ലെന്ന ചോദ്യം ഇപ്പോള് ഉയരുകയാണ്.ഇതിന് കഴിഞ്ഞ ദിവസം പി. ചിദംബരം നല്കിയ മറുപടിയിലാണ് അന്നത്തെ മന്മോഹന്സിങ്ങ് സര്ക്കാരിന്റെ വിദേശകാര്യമന്ത്രാലയം തിരിച്ചടിക്കുന്നത് ബുദ്ധിയല്ലെന്ന് ഉപദേശിച്ചിരുന്നതായി മറുപടി നല്കുന്നത്. അന്ന് പ്രണബ് കുമാര് മുഖര്ജിക്കായിരുന്നു വിദേശകാര്യമന്ത്രാലയത്തിന്റെ ചുമതല.
പി. ചിദംബരം അന്ന് ധനമന്ത്രിയായിരുന്നു. എന്ഡിടിവി ചാനലിലെ ജേണലിസ്റ്റും ഇപ്പോള് പ്രധാനമന്ത്രിയുടെ ഓഫീസില് മാധ്യമചുമതലയുമുള്ള മേഘ പ്രസാദ് നടത്തിയ അഭിമുഖത്തിലായിരുന്നു പി. ചിദംബരത്തിന്റെ ഈ മറുപടി.
ഓപ്പറേഷന് സിന്ദൂര് വഴി പാകിസ്ഥാനെ ഇന്ത്യ ആക്രമിച്ചപ്പോള് ഇത് മോദി സര്ക്കാരിന്റെ കീഴടങ്ങലാണെന്നാണ് അഭിപ്രായപ്പെട്ടിരുന്നത്.
