ഇസ്ലാമാബാദ് ; ഏഷ്യാ കപ്പ് ഫൈനലില് ഇന്ത്യയുള്പ്പെടെ ആരെയും തോല്പ്പിക്കാനുള്ള കഴിവ് തന്റെ ടീമിനുണ്ടെന്ന് പാകിസ്താന് ക്യാപ്റ്റന് സല്മാന് അലി ആഗ. തങ്ങള് ഒരു ‘സ്പെഷ്യല്’ ടീമാണെന്നും അലി ആഗ അവകാശപ്പെട്ടു. ബംഗ്ലാദേശിനെതിരായ ഏഷ്യാ കപ്പ് മത്സരത്തില് ജയം നേടി ഫൈനല് ഉറപ്പിച്ചതിനു ശേഷം സംസാരിക്കുകയായിരുന്നു ആഗ.
”ഇത്തരം മത്സരങ്ങള് വിജയിച്ചാല്, ഞങ്ങള് ഒരു സ്പെഷ്യല് ടീമായിരിക്കണം. എല്ലാവരും ശരിക്കും നന്നായി കളിച്ചു. ബാറ്റിങ്ങില് ചില പുരോഗതികള് ആവശ്യമാണ്. ഞങ്ങള് അതിനായി പ്രവര്ത്തിക്കും’.
‘വളരെ ആവേശത്തിലാണ്. എന്താണ് ചെയ്യേണ്ടതെന്ന് ഞങ്ങള്ക്കറിയാം, ആരെയും തോല്പ്പിക്കാന് തക്ക കഴിവുള്ള ടീമാണ് ഞങ്ങള്. ഞായറാഴ്ച വന്ന് അവരെ (ഇന്ത്യയെ) തോല്പ്പിക്കാന് ഞങ്ങള് ശ്രമിക്കും.” – – ആഗ പറഞ്ഞു.നേരത്തേ ടൂര്ണമെന്റില് ഗ്രൂപ്പ് ഘട്ടത്തിലും സൂപ്പര് ഫോറിലും നേര്ക്കുനേര് വന്നപ്പോള് വിജയം ഇന്ത്യയ്ക്കായിരുന്നു.
