ന്യൂദല്ഹി: രാഹുല് ഗാന്ധിയുടെ ഭാഷ മാറുന്നത് അദ്ദേഹത്തിന്റെ രാഷ്ട്രീയം മാറുന്നതിന്റെ ഭാഗമാണെന്ന് ആരോപണം. ഭീകരവാദികളുടെ ഭാഷയായി രാഹുല് ഗാന്ധിയുടെ ഭാഷ മാറുന്നത് നേപ്പാല്, ബംഗ്ലാദേശ് മോഡലില് കലാപത്തിലൂടെ ഭരണം അട്ടിമറിക്കാനുള്ള അജണ്ടയുടെ ഭാഗമാണെന്നും വിലയിരുത്തപ്പെടുന്നു.
മിണ്ടുമ്പോള് രാഹുല് ഗാന്ധി ബോംബുകളെക്കുറിച്ച് പറയുന്നു. തെരഞ്ഞെടുപ്പ് കമ്മീഷനെതിരെ യാതൊരു അടിസ്ഥാനവുമില്ലാതെ വോട്ട് മോഷണ പരാതി ഉന്നയിക്കുമ്പോള് തന്റെ കയ്യില് ഈ ആരോപണം സംബന്ധിച്ച് ഹൈഡ്രജന് ബോംബ് ഉണ്ടെെന്നാണ് ആദ്യം രാഹുല് ഗാന്ധി അവകാശപ്പെട്ടത്.
അദ്ദേഹം നടത്തിയ രണ്ടാമത്തെ വാര്ത്താസമ്മേളനത്തില് തന്റെ പക്കല് ഹൈഡ്രജന് ബോംബ് മാത്രമല്ല, യുറേനിയം ബോംബും പ്ലൂട്ടോണിയം ബോംബും ഉണ്ടെന്നും രാഹുല് ഗാന്ധി അവകാശപ്പെട്ടിരുന്നു. ബോബുകളെക്കുറിച്ചും അത് പൊട്ടിക്കുന്നതിനെക്കുറിച്ച് അടിക്കടി രാഹുല് ഗാന്ധി പറയുന്നതിന് പിന്നില് അദ്ദേഹത്തിന്റെ അക്രമാസക്തിയാണ് വെളിപ്പെടുന്നതെന്നും ജനാധിപത്യമാര്ഗ്ഗത്തിലൂടെ അധികാരത്തില് കയറാന് കഴിയാത്തതിനാല് അക്രമത്തിന്റെ മാര്ഗ്ഗത്തിലൂടെയായാലും അധികാരത്തിലേറാനുള്ള ത്വരയുടെ ഭാഗമാണിതെന്നും ആണ് പറയപ്പെടുന്നത്.
