പത്തനംതിട്ട : പന്തളത്ത് ശബരിമല സംരക്ഷണ സംഗമം നാളെ . തമിഴ്നാട് ബിജെപി മുൻ അധ്യക്ഷൻ കെ അണ്ണാമലൈ ആണ് സംഗമം ഉദ്ഘാടനം ചെയ്യുക. പാർലമെന്റ് അംഗം തേജസ്വി സൂര്യ ചടങ്ങിൽ പങ്കെടുക്കും. ഹിന്ദു വിശ്വാസികളും, ആചാര്യന്മാരും സംഗമത്തിൽ പങ്കാളികളാകും.
വിവിധ ഹൈന്ദവ സംഘടനകളും ശബരിമലയുമായി ബന്ധപ്പെട്ട പ്രവർത്തിക്കുന്ന സംഘടനകളും പരിപാടികളുടെ ഭാഗമാകും. സംസ്ഥാന സർക്കാർ സംഘടിപ്പിച്ച ആഗോള സംഗമം പൊളിഞ്ഞ പശ്ചാത്തലത്തിലാണ് യഥാർത്ഥ വിശ്വാസികൾ നടത്തുന്ന സംഗമം നടക്കുന്നത്.വിശ്വാസത്തോടൊപ്പം വികസനം എന്നതാണ് സമ്മേളനസന്ദേശം. രണ്ട് ഘട്ടമായാണ് പരിപാടി നടക്കുക.
രാവിലെ ശബരിമല , വിശ്വാസം , വികസനം , സുരക്ഷ എന്നീ വിഷയത്തിലാണ് സെമിനാർ നടക്കുക. സെമിനാറിൽ ക്ഷണിക്കപ്പെട്ടവർക്കൊപ്പം വിശ്വാസികളും, ഭാരവാഹികളും, പ്രവർത്തകരുമടക്കം പതിനയ്യായിരത്തോളം പേർ പങ്കെടുക്കും . ശബരിമലയുമായി ബന്ധപ്പെട്ടുള്ള വിവിധ സംഘടനകളുടെ പ്രതിനിധികളും സംഗമത്തിനെത്തും .
