കൊച്ചി: ലോകത്തിന് മുമ്പില് ഭാരതത്തിന്റെ വൈദ്യ പാരമ്പര്യം അവതരിപ്പിക്കാനാകണമെന്ന് ആര്എസ്എസ് സഹസര്കാര്യവാഹ് ഡോ. കൃഷ്ണ ഗോപാല്. ഭാരതം ആരോഗ്യരംഗത്ത് ഉദാത്ത മാതൃകയാകണമെന്നും അദ്ദേഹം പറഞ്ഞു. എളമക്കര ഭാസ്കരീയം കണ്വന്ഷന് സെന്ററില് ആരോഗ്യഭാരതി ദേശീയ പ്രതിനിധി മണ്ഡല് സമ്മേളനത്തില് മുഖ്യപ്രഭാഷണം നടത്തുകയായിരുന്നു അദ്ദേഹം.
ആരോഗ്യഭാരതിയുടെ പ്രവര്ത്തനങ്ങളിലൂടെ രോഗ മുക്ത രാജ്യമാകാന് നമുക്കാകണം. കുറവു രോഗികളുള്ള രാജ്യമായി മാറണം. ഭാരതീയ ജീവിത ശൈലിയിലൂടെ പ്രമേഹം, രക്ത സമ്മര്ദം, അര്ബുദം എന്നിവ കുറച്ചുകൊണ്ടുവരാനാകണം. ചികിത്സാ ശാസ്ത്രം മാത്രമല്ല, രോഗം വരാതിരിക്കാനും ശ്രമിക്കണം. തനതായുള്ള നാട്ടുവൈദ്യ പാരമ്പര്യം ശാസ്ത്രീയമായി രേഖപ്പെടുത്തണം. ഇതിനായുള്ള ഗവേഷണങ്ങള് നടത്തണം, അദ്ദേഹം നിര്ദേശിച്ചു.
ഏറ്റവും വികസിതമെന്ന് കരുതുന്ന അമേരിക്കയില് 23 ശതമാനം ആളുകള് മാനസികമായ ആരോഗ്യപ്രശ്നങ്ങളുള്ളവരാണ്. മെഡിസിനില്ലാതെ ഇവര്ക്കു കഴിയാനാകില്ല. സമ്പത്തുണ്ടെങ്കിലും മനസിനു ശാന്തിയില്ല. 35 കോടി ജനതയുള്ള അമേരിക്കയില് രണ്ടു കോടിയിലേറെ പേര് അര്ബുദ രോഗികളാണ്. ഇത് ഓരോ വര്ഷവും കൂടിക്കൂടി വരികയാണ്. ഏറ്റവും സമ്പന്നമായ രാഷ്ട്രത്തില് പോലും മനസിനും ശരീരത്തിനും ശാന്തിയില്ല. കുട്ടികളില് അക്രമവാസന കൂടുതലാണ്. തോക്കെടുത്ത് കുട്ടികള് മറ്റുള്ളവരെ വെടിവച്ച് കൊല്ലുന്നു. വിഷാദ രോഗത്തോടെയാണ് ഇവര് കടന്നുപോകുന്നതെന്നും അദ്ദേഹം ചൂണ്ടിക്കാട്ടി.
സസ്യശ്യാമളമാണ് ഭാരതം. ഭാരതം ഇന്ന് സ്വയംപര്യാപ്തമാണ്. ഗോതമ്പ്, അരി ഉത്പാദനത്തില് ലോകത്ത് ഒന്നാം സ്ഥാനത്താണ്. പാരമ്പര്യ ജീവിത രീതി മാറിക്കൊണ്ടിരിക്കുന്നു. സമ്പന്ന രാജ്യങ്ങളിലെ പ്രശ്നങ്ങള് ഭാരതത്തിലേക്ക് കടന്നുവരുന്നതിനെതിരേ കരുതിയിരിക്കണം, അദ്ദേഹം പറഞ്ഞു.
