ന്യൂദല്ഹി: ഐപിഎസ് ഉദ്യോഗസ്ഥ ഡി. ശില്പയെ കര്ണാടക കേഡറിലേക്ക് മാറ്റണമെന്ന ഹൈക്കോടതി ഉത്തരവ് സുപ്രീംകോടതി സ്റ്റേ ചെയ്തു. കേരള കേഡറിലുള്ള ശില്പയുടെ കേഡര് മാറ്റം പ്രായോഗികമല്ലെന്ന് ചൂണ്ടിക്കാട്ടി കേന്ദ്രസര്ക്കാര് നല്കിയ അപ്പീലിലാണ് നടപടി. ശില്പ അടക്കം എതിര്കക്ഷികള്ക്ക് നോട്ടീസ് അയയ്ക്കാന് സുപ്രീം കോടതി നിര്ദേശിച്ചു. വിശദമായ വാദം കേള്ക്കാന് കേസ് മാറ്റി.
ജസ്റ്റിസ് അമിത് റാവല്, ജസ്റ്റിസ് കെ.വി. ജയകുമാര് എന്നിവരടങ്ങിയ ഹൈക്കോടതി ഡിവിഷന് ബെഞ്ചാണ് കഴിഞ്ഞ ജൂലായില് കേഡര് മാറ്റത്തിന് ഉത്തരവിട്ടത്. 2015-ല് കേഡര് നിര്ണയിച്ചപ്പോള് ഉണ്ടായ പിഴവുകാരണമാണ് കര്ണാടക കേഡറില് ഉള്പ്പെടാതെ പോയതെന്നായിരുന്നു കര്ണാടക സ്വദേശിനിയായ ഡി ശില്പയുടെ വാദം. ഈ വാദം അംഗീകരിച്ചായിരുന്നു ഹൈക്കോടതി ഉത്തരവ്.
കേന്ദ്ര അഡ്മിനിസ്ട്രേറ്റീവ് ട്രിബ്യൂണലില്നിന്ന് അനുകൂല ഉത്തരവ് ഉണ്ടാകാതെ വന്നതോടെയാണ് ശില്പ്പ ഹൈക്കോടതിയെ സമീപിച്ചത്.
