തിരുവനന്തപുരം: ഹിന്ദുക്കളെയും ക്രിസ്ത്യാനികളെയും അധിക്ഷേപിച്ച് മുഖ്യമന്ത്രിയുടെ വകുപ്പിലെ ഉദ്യോഗസ്ഥ. നടപടിയെടുക്കാതെ വകുപ്പുസെക്രട്ടറി. ഇക്കണോമിക്സ് ആന്ഡ് സ്റ്റാറ്റിസ്റ്റിക്സ് ഡയറക്ടറേറ്റ് ഉദ്യോഗസ്ഥ ബി.കെ.ഷംജുവാണ് ഹിന്ദുക്കളുടെയും ക്രൈസ്തവരുടെയും ആരാധനാ മൂര്ത്തികളെ പരസ്യമായി, വകുപ്പു ഡയറക്ടറുടെ സാന്നിധ്യത്തില് അവഹേളിച്ചത്.
എന്ജിഒ യൂണിയന് സംസ്ഥാന മുന് കമ്മിറ്റി അംഗവും സ്റ്റാഫ് വെല്ഫെയര് കമ്മിറ്റി വൈസ് പ്രസിഡന്റുമാണ് ഷംജു. ജൂലൈ നാലിനു വായനാ ദിനത്തോടനുബന്ധിച്ചു ഡയറക്ടറേറ്റ് കോണ്ഫറന്സ് ഹാളിലെ പരിപാടിയിലായിരുന്നു അവഹേളനം. ‘പാളയം ജങ്ഷനില് യേശുവും കൃഷ്ണനും നബിയും ഗോലി കളിച്ചപ്പോള് നബി ജയിച്ചു. തോറ്റ കൃഷ്ണനോടും ക്രിസ്തുവിനോടും മുട്ടുവയ്ക്കാന് (ഗോലി കളിയില് തോല്ക്കുന്നവര്ക്കുള്ള ശിക്ഷ) നബി ആവശ്യപ്പെട്ടപ്പോള് കൃഷ്ണന് മുണ്ടുപൊക്കിക്കാണിച്ചു. കെട്ടിട മുകളില് ഓടിക്കയറിയ ക്രിസ്തു മുണ്ടുപൊക്കല്ലേയെന്ന് ആവശ്യപ്പെട്ടു. ഈ നില്പാണ് പാളയം പള്ളിക്കു മുന്നിലെ ക്രിസ്തു രൂപം.’ ഇതായിരുന്നു ഷംജുവിന്റെ വര്ഗീയ വിഷം ചീറ്റിയ വാക്കുകള്.
അധിക്ഷേപം കേട്ട സദസ് നിശബ്ദമായി. ഡയറക്ടര് മൗനം പാലിച്ചു. സര്വീസ് ചട്ട ലംഘനമായതിനാല് ഉദ്യോഗസ്ഥയ്ക്കെതിരേ നടപടി വേണമെന്ന് സദസ്യര് ഡയറക്ടറോട് ആവശ്യപ്പെട്ടെങ്കിലും അദ്ദേഹം വഴങ്ങിയില്ല. തുടര്ന്നു നിരവധി തവണ ഉദ്യോഗസ്ഥയ്ക്കെതിരേ പരാതി നല്കിയെങ്കിലും നടപടിക്കു തയാറാകാത്തതിനാല് എന്ജിഒ സംഘ് ഷംജുവിനെതിരേ പേരില് ചീഫ് സെക്രട്ടറിയോട് പരാതിപ്പെട്ടു.
