മുംബൈ: സ്ത്രീകള് മാത്രമുള്ള ഒരു ചരിത്രപ്രധാനമായ സമുദ്ര പ്രദക്ഷിണ യാത്രയ്ക്ക് അഭിമാനകരമായ തുടക്കം. സ്ത്രീശക്തിയെയും വികസിത ഇന്ത്യയുടെ ദര്ശനത്തെയും അനുസ്മരിച്ചുകൊണ്ട്, പ്രതിരോധ മന്ത്രി രാജ്നാഥ് സിംഗ് മുംബൈയിലെ ഗേറ്റ്വേ ഓഫ് ഇന്ത്യയില് നിന്നുള്ള യാത്ര വെര്ച്വലായി ഫ്ളാഗ് ഓഫ് ചെയ്തു. ലോകത്തിലെ ഇത്തരത്തിലുള്ള ആദ്യ യാത്രയാണിത്.
നാരി ശക്തി, സായുധ സേനകളുടെ ഐക്യം, ആത്മനിര്ഭര് ഭാരത് , ഇന്ത്യയുടെ ആഗോള ദര്ശനം എന്നിവയുടെ തിളക്കമാര്ന്ന പ്രതീകമാണ് ഈ യാത്രയെന്ന് രാജ്നാഥ് സിംഗ് വിശേഷിപ്പിച്ചു.
ഇന്ത്യന് സായുധ സേനയില് ആദ്യമായി, കര, നാവിക, വ്യോമസേനകളില് നിന്നുള്ള പത്ത് വനിതാ ഉദ്യോഗസ്ഥരാണ്് ഇന്ത്യന് ആര്മി സെയിലിംഗ് വെസ്സല് (ഐഎഎസ്വി) ത്രിവേണിയില് ലോകം ചുറ്റുന്നത്.
മൂന്ന് സേനകളുടെയും സംഗമസ്ഥാനത്തിന്റെ പേരിലുള്ള ഈ നൗക, മൂന്ന് സേനകളുടെയും സംയുക്തതയുടെയും സമന്വയത്തിന്റെയും ആത്മാവിനെ പ്രതിഫലിപ്പിക്കുന്നു. ഇന്ത്യന് സായുധ സേന സംയുക്തമായി ഒരു പ്രദക്ഷിണ ദൗത്യത്തിന് നേതൃത്വം നല്കുന്നതും ഇതാദ്യമായാണ്.
