മലപ്പുറം: നിരാലംബരായ സ്ത്രീകളെ വിവാഹ വാഗ്ദാനം നല്കി ലൈംഗിക ചൂഷണത്തിനും സാമ്പത്തിക തട്ടിപ്പിനും ഇരയാക്കിയിരുന്നയാള് പിടിയില്. എടപ്പറ്റ തൊടുക്കുഴി കുന്നുമ്മല് മുഹമ്മദ് റിയാസാണ് (42) അറസ്റ്റിലായത്. പാലക്കാട്, കോഴിക്കോട്, വയനാട് ജില്ലകളില് സമാന തട്ടിപ്പില് ഇയാള്ക്കെതിരെ കേസുകളുണ്ട്. വയനാട് പനമരത്തുള്ള ഭാര്യക്കൊപ്പം ഒളിവില് താമസിക്കുന്നതിനിടെയാണ് ഇയാളെ അറസ്റ്റ് ചെയ്തത്.
വിധവകളും നിരാലംബരുമായ സ്ത്രീകളുമായി മൊബൈല് ഫോണിലൂടെ അടുപ്പം സ്ഥാപിക്കുകയും തുടര്ന്ന് വിവാഹ വാഗ്ദാനം നല്കി ലൈംഗികമായി പീഡിപ്പിക്കുകയും പണവും ആഭരണങ്ങളും കവര്ന്ന ശേഷം ഉപേക്ഷിക്കുകയുമാണ് ഇയാളുടെ രീതിയെന്ന് പോത്തുകല് പൊലീസ് പറഞ്ഞു.
ജില്ല പൊലീസ് മേധാവി ആര്. വിശ്വനാഥിന്റെ നിര്ദേശപ്രകാരം നിലമ്പൂര് ഡി വൈ.എസ്.പി സജു കെ. എബ്രഹാമിന്റെ നേതൃത്വത്തിലാണ് പ്രതിയെ അറസ്റ്റു ചെയ്തത്.
