- മാതൃകാ അപേക്ഷാഫോറവും വിശദവിവരങ്ങളടങ്ങിയ വിജ്ഞാപനവും www.esic.gov.in/recruitments ല്
- അപേക്ഷ സ്വീകരിക്കുന്ന അവസാന തീയതി സെപ്തംബര് 15
- 21 സ്പെഷ്യാലിറ്റികളിലാണ് നിയമനം
- അവസരം മൂന്ന് വര്ഷത്തില് കുറയാതെ അധ്യാപന പരിചയമുള്ളവര്ക്ക്
എംപ്ലോയീസ് സ്റ്റേറ്റ് ഇന്ഷുറന്സ് കോര്പ്പറേഷന് (ഇഎസ്ഐസി) കീഴിലുള്ള മെഡിക്കല് കോളേജുകളിലും പിജിഐഎംഎസ്ആറുകളിലും വിവിധ സ്പെഷ്യാലിറ്റികളില് അസിസ്റ്റന്റ് പ്രൊഫസര്മാരെ നിയമിക്കുന്നതിന് അപേക്ഷകള് ക്ഷണിച്ചു. 21 സ്പെഷ്യാലിറ്റികളിലായി ആകെ 243 ഒഴിവുകളുണ്ട്. അപേക്ഷാഫോറവും വിശദവിവരങ്ങളടങ്ങിയ വിജ്ഞാപനവും www.esic.gov.in/recruitments ല്നിന്നും ഡൗണ്ലോഡ് ചെയ്യാം. ശമ്പള നിരക്ക് 67700-208700 + നോണ് പ്രാക്ടീസിങ് അടക്കമുള്ള അലവന്സുകളും ലഭിക്കും.
സ്പെഷ്യാലിറ്റികളും ഒഴിവുകളും: അനാട്ടമി 20, അനസ്തേഷ്യോളജി 17, ബയോകെമിസ്ട്രി 9, കമ്മ്യൂണിറ്റി മെഡിസിന് 42, ഡന്റ്സ്ട്രി 10, ഡര്മറ്റോളജി 9, ഫോറന്സിക് മെഡിസിന് ആന്റ് ടോക്സിക്കോളജി 10, ജനറല് മെഡിസിന് 12, ജനറല് സര്ജറി 13, മൈക്രോബയോളജി 7, ഒബ്സ്റ്റെട്രിക്സ് ആന്റ് ഗൈനക്കോളജി 4, ഒഫ്താല്മോളജി 8, ഓര്ത്തോപീഡിക്സ് 9, ഇഎന്റ്റി 9, പീഡിയാട്രിക്സ് 6, പാതോളജി 8, ഫാര്മക്കോളജി 12, ഫിസിയോളജി 12, സൈക്യാട്രി 9, റേഡിയോളജി 7, സ്റ്റാറ്റിസ്റ്റീഷ്യന് 10.
എസ്സി/എസ്ടി/ഒബിസി/ഇഡബ്ല്യുഎസ്/പിഡബ്ല്യുബിഡി വിഭാഗങ്ങളില്പ്പെടുന്നവര്ക്ക് നിശ്ചിത ഒഴിവുകള് സംവരണം ചെയ്തിട്ടുണ്ട്.
യോഗ്യത: ബന്ധപ്പെട്ട മെഡിക്കല് സ്പെഷ്യാലിറ്റികളില് എംഡി/എംഎസ്/ഡിഎന്ബിയും 3 വര്ഷത്തില് കുറയാത്ത അധ്യാപന പരിചയവും. ഡന്റിസ്ട്രിക്ക്- എംഡിഎസ്/തത്തുല്യ യോഗ്യതയും 3 വര്ഷത്തെ ടീച്ചിങ് എക്സ്പീരിയന്സും.
നോണ് മെഡിക്കല് വിഭാഗത്തിന് ബന്ധപ്പെട്ട വിഷയത്തില് മാസ്റ്റേഴ്സ്, ഡോക്ടറേറ്റ് ബിരുദവും ടീച്ചേഴ്സ് എലിജിബിലിറ്റി യോഗ്യതയും 3 വര്ഷത്തില് കുറയാതെയുള്ള ടീച്ചിങ് എക്സ്പീരിയന്സും ഉണ്ടാകണം.
പ്രായപരിധി 45 വയസ്. നിയമാനുസൃത വയസ്സിളവുണ്ട്. വിശദമായ യോഗ്യതാ മാനദണ്ഡങ്ങളും സെലക്ഷന് നടപടികളും വിജ്ഞാപനത്തിലുണ്ട്. നിര്ദ്ദിഷ്ട ഫോറത്തില് നിര്ദ്ദേശാനുസരണം തയ്യാറാക്കിയ അപേക്ഷ ബന്ധപ്പെട്ട രേഖകള് സഹിതം സെപ്തംബര് 15 വരെ സ്വീകരിക്കും. ലക്ഷദ്വീപ്, ആന്ഡമാന് നിവാസികളുടെ അപേക്ഷ 22 വരെ സ്വീകരിക്കുന്നതാണ്.
