2025 വര്ഷത്തെ ബിഎഎംഎസ്, ബിഎസ്എംഎസ്, ബിഎച്ച്എംഎസ്, ബിയുഎംഎസ്, ബിഎസ്സി (ഓണേഴ്സ്)-അഗ്രികള്ച്ചര്, ഫോറസ്ട്രി, കോ-ഓപ്പറേഷന് ആന്റ് ബാങ്കിങ്, ക്ലൈമറ്റ് ചെയിഞ്ച് ആന്റ് എന്വയോണ്മെന്റല് സയന്സ്, ബിടെക് ബയോടെക്നോളജി, ബിവിഎസ്സി ആന്റ് എഎച്ച്, ബിഎഫ്എസ്സി സംസ്ഥാന ക്വാട്ടാ സീറ്റുകളിലേക്കുള്ള ഒന്നാംഘട്ട അലോട്ട്മെന്റ്/പ്രവേശന നടപടികള് തുടങ്ങി. നീറ്റ്-യുജി 2025 മാനദണ്ഡപ്രകാരം പ്രവേശന പരീക്ഷാ കമ്മീഷണര് പ്രസിദ്ധീകരിച്ച ആയുര്വേദ റാങ്ക്ലിസ്റ്റിലുള്ളവര്ക്ക് ആയുര്വേദ കോഴ്സുകളിലേക്കും മെഡിക്കല് റാങ്ക് ലിസ്റ്റിലുള്ളവര്ക്ക് മെഡിക്കല്/അനുബന്ധ കോഴ്സുകളിലേക്കും സെപ്തംബര് 10 വൈകുന്നേരം 4 മണിവരെ www.cee.kerala.gov.in ല് ഓപ്ഷന് രജിസ്റ്റര് ചെയ്യാം. കോളേജുകളും കോഴ്സുകളും ഫീസ് ഘടനയും പ്രവേശന നടപടികളും വെബ്സൈറ്റില് വിജ്ഞാപനത്തിലുണ്ട്. ഓപ്ഷന് രജിസ്ട്രേഷന് ഫീസ് 5000 രൂപയാണ്. എസ്സി/എസ്ടി/ഒഇസി/ഫീസ് ആനുകൂല്യത്തിന് അര്ഹരായ വിദ്യാര്ത്ഥികള്, ശ്രീചിത്രാ ഹോം, നിര്ഭയ ഹോം വിദ്യാര്ത്ഥികള് എന്നീ വിഭാഗങ്ങളില്പ്പെടുന്നവര്ക്ക് 500 രൂപ മതി. പ്രവേശന പരീക്ഷാ കമ്മീഷണര്ക്കാണ് ഓപ്ഷന് രജിസ്ട്രേഷന് ഫീസ് അടയ്ക്കേണ്ടത്.
സെപ്തംബര് 10 വൈകിട്ട് 4 മണിവരെ ലഭ്യമാകുന്ന ഓപ്ഷനുകള് അടിസ്ഥാനമാക്കി 11 ന് വൈകുന്നേരം താല്ക്കാലിക അലോട്ട്മെന്റും 12 ന് ആദ്യഘട്ട അന്തിമ അലോട്ട്മെന്റും പ്രസിദ്ധപ്പെടുത്തും. അലോട്ട്മെന്റ് ലഭിച്ച കോളേജുകളില് സെപ്തംബര് 13 മുതല് 17 വൈകിട്ട് 4 മണിവരെ പ്രവേശനം നേടാം. കൂടുതല് വിവരങ്ങള്ക്കും അപ്ഡേറ്റുകള്ക്കും വെബ്സൈറ്റ് സന്ദര്ശിക്കേണ്ടതാണ്.
