കൊല്ക്കത്ത: വനിതാ മുഖ്യമന്ത്രി ഭരിക്കുന്ന പശ്ചിമബംഗാളില് വീണ്ടും കൂട്ടബലാല്സംഗം. കൊല്ക്കത്ത നഗരത്തിലെ റീജന്റ് പാര്ക്ക് മേഖലയില് 20 വയസ്സുകാരിയെ ജന്മദിനാഘോഷത്തിനായി കൂട്ടിക്കൊണ്ടുപോയ സുഹൃത്തുക്കള് കൂട്ടബലാല്സംഗം ചെയ്തതാണ് ഏറ്റവും പുതിയ സംഭവം. ചന്ദന് മാലിക്, സര്ക്കാര് ജീവനക്കാരനായ ദീപ് എന്നിവരാണ് പ്രതികളെന്ന് തിരിച്ചറിഞ്ഞിട്ടുണ്ട്.
ഹരിദേവ്പൂരില് നിന്നുള്ള യുവതിയെ ചന്ദന് മാലിക് ജന്മദിനം ആഘോഷിക്കാനായി ദീപിന്റെ ഫ്ളാറ്റിലേക്ക് കൂട്ടിക്കൊണ്ടുപോവുകയായിരുന്നുവെന്ന് പൊലീസ് പറഞ്ഞു. അവിടെ വെച്ച് അവര് ഭക്ഷണം കഴിച്ചു. വീട്ടിലേക്ക് മടങ്ങാന് തയ്യാറെടുത്തപ്പോള് യുവതിയെ തടഞ്ഞു നിര്ത്തുകയും വാതില് പൂട്ടി കൂട്ടബലാത്സംഗം ചെയ്യുകയുമായിരുന്നു. പിറ്റേന്ന് രാവിലെയാണ് യുവതിക്ക് രക്ഷപ്പെടാന് കഴിഞ്ഞത്. തുടര്ന്ന് വീട്ടുകാര്ക്കൊപ്പം എത്തി പൊലീസില് പരാതിപ്പെടുകയായിരുന്നു.
