ബെംഗളൂരു: ഇലക്ട്രോണിക് വോട്ടിംഗ് മെഷീനുകളില് സര്ക്കാര് സംശയം പ്രകടിപ്പിക്കുന്ന കോണ്ഗ്രസ് കര്ണാടക നിയമസഭ പിരിച്ചുവിട്ട് പുതിയ തിരഞ്ഞെടുപ്പിനെ നേരിടണമെന്ന് ബിജെപി ആവശ്യപ്പെട്ടു. 2023 ലെ നിയമസഭാ തെരഞ്ഞെടുപ്പില് കോണ്ഗ്രസ് വിജയിച്ച അതേ ഇലക്ട്രോണിക് വോട്ടിംഗ് മെഷീനുകള് തന്നെയാണ് ഇപ്പോഴുമുള്ളതെന്നും ബിജെപി ചൂണ്ടിക്കാട്ടി. ഇവിഎമ്മുകളില് വിശ്വാസമില്ലെന്നും തദ്ദേശ സ്വയംഭരണ സ്ഥാപനങ്ങളിലേക്കു നടക്കുന്ന തിരഞ്ഞെടുപ്പുകള്ക്ക് ബാലറ്റ് പേപ്പര് ഉപയോഗിക്കുമെന്നുമുള്ള സര്ക്കാര് തീരുമാനത്തോട് പ്രതികരിക്കുകയായിരുന്നു ബിജെപി .
ഇവിഎമ്മുകളെക്കുറിച്ച് ഈ സര്ക്കാരിന് സംശയമുണ്ടെങ്കില്, നിയമസഭ പിരിച്ചുവിട്ട് പുതിയ തിരഞ്ഞെടുപ്പിന് പോവുക എന്നതാണ് ന്യായമായ പോംവഴി. ‘മുന് പാര്ലമെന്ററി കാര്യ മന്ത്രിയും മുതിര്ന്ന ബിജെപി നിയമസഭാംഗവുമായ എസ് സുരേഷ് കുമാര് പറഞ്ഞു.
‘സര്ക്കാരിന്റെ തീരുമാനം ഈ രാജ്യത്തെ പ്രബുദ്ധരായ വോട്ടര്മാരെ അപമാനിക്കുന്നതാണ്. ഇവിഎമ്മുകള് അവതരിപ്പിച്ച ശേഷം കോണ്ഗ്രസ് രണ്ടുതവണ കേന്ദ്രത്തില് അധികാരത്തില് വന്നു. നിരവധി സംസ്ഥാനങ്ങളിലും കോണ്ഗ്രസ് വിജയിച്ചു. ഇവിഎമ്മുകള് ഉപയോഗിച്ച് നടന്ന തിരഞ്ഞെടുപ്പുകളില് രാഹുല് ഗാന്ധി തന്നെ അമേഠിയിലും വയനാട്ടിലും വിജയിച്ചില്ലേ?. സുരേഷ് കുമാര് ആരാഞ്ഞു.
വോട്ടിംഗ് മെഷീനുകളില് വിശ്വാസമില്ലാത്ത കോണ്ഗ്രസ് കര്ണാടക നിയമസഭ പിരിച്ചുവിടണമെന്ന് ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.